XTRA COVER.

Roman Abramovich APANIA KUIHAMISHA CHELSEA.

2011-10-04T18:13:00.000+03:00

Mmiliki wa klabu ya Chelsea Roman Abramovich amedhamiria kubadilisha historia ya klabu hiyo baada ya miaka 106 kupitia, kwa kuhamisha makazi kutoka Stamford Bridge hadi katika eneo lingine huko mjini London nchini Uingereza.

Roman Abramovich alikua na matarajio ya kuuendeleza uwanja wa Stamforde Bridge kwa kuubomoa na kuutengeneza upya lakini utaratibu huo umepiga hatua na kufikiria kununua sehemu nyingine kwa ajili ya kujenga uwanja mpya ambao utakua chachu ya kupata makazi mapya ya klabu hiyo.

Tayari kibopa huyo ameshanunua sehemu ambayo ni karibu wa uwanja wa sasa, na endapo dhana ya kujenga uwanja mpya itakamilika basi Chelsea wataingai kati utaratibu wa kuwa miongoni mwa vilabu vitakavyomiliki uwanja utakaokuwa na uwezo wa kuchukua mashabiki elfu 60.

Hata hivyo ifahamike kwamba kwa sasa Roman Abramovich hana sauti ya umiliki wa uwanja wa Stamford Bridge, zaidi ya kuomba namna ya kununua hisa kutoka kwa mashabiki wa Chelsea wenye haki ya umiliki baada ya kufanya maboresho miaka 14 iliyopita.

Kutokana na hali hiyo Roman Abramovich ametoa offer ya paundi milioni 10 ili kulipa fidia ya hisa za mashabiki na pia yu tayari kulipa sehemu ya mkopo wanaodaiwa mashabiki hao wa paundi milioni 8.5 ambao ulitumika wakati wa kufanyika kwa marekebisho ya uwanja wa Stamforde Bridge.

Kwa upande wa mwenyekiti wa klabu hiyo Bruce Buck amesema ana imani wanahisa wa Chelsea watakubaliana na andiko hilo la Roman Abramovich.

BONGE LA BIFU NDANI YA FULHAM.

2011-10-04T18:09:00.001+03:00

Meneja wa klabu ya Fulham Martin Jol ameingia katika vita kali na baadhi ya wachezaji wake baada ya kuwatoza faini ya paund 500, kufuatia kitendo cha kukosa penati katika mchezo wa mzunguuko wa tatu wa kombe la ligi *Curling Cup* dhidi ya Chelsea mnamo September 21.

Martin Jol ameamua kufanya hivyo akichulia kama sehemu ya kuwafunda wachezaji wake ili waweze kutambua umuhimu wa kusaka ushindi pale inapohitajika na si kufanya vitendo vya kizembe na kuigharimu klabu inayowategemea kwa kiasi kikubwa.

Mmoja wa maafisa wa klabu ya Fulham amesema kitendo hicho kimewakera mno wachezaji waliokatwa pesa hizo, hatua ambayo inaendeleza upinzani miongoni mwao dhidi ya Martin Jol alietangazwa kuchukua nafasi ya Mark Hughes miezi miwili iliyopita.

Orlando Sa mshambuliaji kutoka nchini Ureno alikosa mkwaju wa penati katika muda wa kawaida baada ya kuangushwa katika eneo la hatari, hatua ambayo iliinyima nafasi Fulham kusonga mbele kupitia muda wa kawaida.

Nae Pajtim Kasami kiungo kutoka nchini Macedonia alikosa mkwaju muhimu wa penati baada ya timu hizo kwenda sare ya bila kufungana katika muda wa dakika 120, hatua ambayo ilitoa mwanya kwa Chelsea kuendelea katika michuano ya kombe la ligi.

Itakumbukwa kwamba penati ya Kasami iligonga mwamba na kuifanya Chelsea kupata ushindi wa peneati 4-3.

NIKIPEWA ARSENAL NIPO TAYARI - Carlo Michelangelo Ancellotti.

2011-10-04T18:05:00.004+03:00

Aliekua meneja wa Chelsea Carlo Michelangelo Ancelotti amesema yupo tayari kukinoa kikosi cha Arsenal endapo uongozi wa klabu hiyo utaamua kuachana na meneja wa sasa Arsene Wenger endapo watamkata awe nao huko Emirates Stadium.

Carlo Michelangelo Ancelloti ametoa msimamo huo huku akimini kabisa ipo siku atarejea katika ligi kuu ya soka nchini Uingereza baada ya kudumu kwa muda wa miaka miwili akiwa na klabu ya Chelsea ambayo aliipa ubingwa wa nchini Uingereza katika msimu wa mwaka 2009-10.

Meneja huyo mwenye umri wa miaka 52 amesema Arsenal ni klabu nzuri na wala hatosita endapo atatakiwa kuwa mkuu wa benchi la ufundi la klabu hiyo ambayo ametamba bado ina nafasi nzuri ya kufanya maajabu katika msimu huu wa ligi licha ya kuanza vibaya.

Amesema mbali na klabu ya Arsenal pia anatamani kuwa meneja wa klabu kubwa kama Tottenham Hotspurs ama Liverpool ambazo kwa sasa zimekaa katika mstari mzuri wa kupata ushidni kwenye michezo inayowakabili.

Wakati huo huo kipa namba moja wa klabu ya Arsenal Wojciech Szczesny, amakataa kata kata kukubaliana na madai ya baadhi ya mashabiki wa soka nchini Uingereza ambao wanadai kwamba Spurs kwa sasa ipo juu zaidi ya The Gunners ambao siku za nyuma walikua wakitamba katika upinzani wa klabu hizo mbili.

Kipa huyo amekataa kukubalia na madai hayo ya mashabiki kwa kusema kigezo cha kupoteza mchezo wa mwishoni mwa juma lililopita hakiwezi kutumika katika uwiyano wa viwango kwa klabu hizo.

Amesema bado anaamini Arsenal wapo juu zaidi ya Spurs huku akitoa angalizo kwa mashabiki wanaowabeza kwa kuelza wazi kuwa, hiki ni kipindi cha mpito kwao kwani anaamini watarejea katika njia nzuri ya ushindi siku za hivi karibuni.

PSG WAJIPANGA KUMSAJILI TEVEZ.

2011-10-04T18:03:00.000+03:00

Ikiwa imepita siku moja baada ya kufanya mazungumzo na uongozi wa klabu ya Man City, mshambuliaji kutoka nchini Argentina Carlos Tevez, anahUsishwa na taarifa za kuwa mbini kuondoka klabuni hapo na kusajiliwa na vibopa wa ligi ya nchini Ufaransa Paris Saint-Germain.

Mkurugenzi wa ufundi wa PSG Leonardo Nascimento De Araujo amenukuliwa katika mtandao wa klabu hiyo akisema wanatazama uwezekano wa kutuma ofa ya kutaka kumsajili Carlos Tevez, kitakapofika kipindi cha usajili wa dirisha dogo mwezi januari mwakA 2012.

Amesema wanatambua kwa sasa mshambuliaji huyo mwenye umri wa miaka 27, ana matatizo makubwa ya uongozi wa Man City hivyo wanatumia nafasi hiyo kutaka kumaliza mzozo unaoendelea huko Etihad Stadium kwa muda wa juma moja sasa.

Amesema kwamba Carlos Tevez, bado ana uwezo mkubwa wa kucheza soka na anaamini atakapobadilisha mazingira, atakuwa na uhuru wa kufanya makubwa zaidi hivyo wanasubiri na kutazama uwezekano wa kumsajili mwezi januari endapo mipango yao itakwenda kama wanavyotarajia.

Mbali na klabu ya PSG, pia klabu inayochipukia kwa kasi kubwa huko nchini Urusi ya Anzhi Makhachkala inahusishwa na taarifa za kutaka kumsajili Carlos Tevez huku klabu yake ya zamani wa West Ham Utd ikiondolewa katika utaratibu huo baada ya viongozi wa Man City kutupilia mbali taarifa zilizotolewa na mmoja wa wamili wa klabu hiyo ya magharibi wa mji wa London.

Hamburg SV WAPO MSTUNI WAKISAKA MENEJA MPYA.

2011-10-03T18:00:00.000+03:00

Mkurugenzi wa michezo wa klabu ya Hamburg SV Frank Arnesen amesema klabu hiyo itakua chini ya meneja mpya mara baada ya kumalizika kwa wiki ya michezo ya kimataifa iliyoanza hii leo.

Frank Arnesen ametoa angalizo hilo, baada ya kikosi cha klabu hiyo inachoshiriki ligi kuu ya soka nchini Ujerumani, kuwa chini ya meneja wa muda Rodolfo Cardoso ambae amekua akiifanya kazi hiyo bila ya kuwa na sifa zinazohitajiwa na shirikisho la soka barani ulaya UEFA.

Rodolfo Cardoso ameifanya kazi hiyo kwa muda wa mwezi mmoja, na hii ilikuja baada ya kuondoka kwa meneja Michael Oenning alishindwa kutimiza malengo ya klabu.

Hata hivyo uongozi wa Hamburg SV ulikuwa umeshajipanga kufanya amzungumzo na Huub Stevens kwa ajili ya kumaliza tatizo la meneja klabuni hapo, lakini mpango huo ulikwenda tofauti baada ya kuwahiwa na viongozi wa Schalke 04 juma lililopita.

Lakini pamoja na mipango hiyo kuvurugika yasemekana uongozi wa Hamburg SV unajipanga kuzungumza na mchezaji wa zamani wa klabu hiyo Sergei Barbarez ambae ameonyesha nia ya kuwa tayari kuyavaa majukumu ya umeneja huko Imtech Arena.

Francesco Totti KUREJEA UWANJANI KATI KATI YA OKTOBA.

2011-10-03T17:57:00.000+03:00

Nahodha na mshambuliaji wa Associazione Sportiva Roma Francesco Totti anapewa nafasi kubwa ya kucheza mchezo ujao wa ligi kuu ya soka nchini humo ambao utawakutanisha na mahasimu wao wakubwa wa mjini Roma Società Sportiva Lazio mnamo October 16.

Mshambuliaji huyo mwenye umri wa miaka 35, aliumia misuli ya paja mwishoni mwa juma lililopita ambapo AR Roma walikua na kibarua cha kuwakabili Atalanta ambao walikubali kichapio cha mabao matatu kwa moja.

Francesco Totti anapewa nafasi ya kurejea uwanjani baada ya majuma mawili kupita, huku mashabiki wa SS Lazio wakimkumbuka kwa mabao yake mawili yaliyowazamisha katika mchezo wa ligi msimu uliopita uliochezwa mwezi wa tatu.

Totti hii leo amefanyia vipimo na jopo la mdaktari klabuni hapo na imethibitika hakuumia sana na sasa anatarajia kuanza mazoezi mepesi siku chache zijazo tayari kwa mchezo huo.

AS Roma pamoja na SS Lazio ambao wote kwa pamoja wanautumia uwanja wa Olympico kama uwanja wao wa nyumbani, wapo sawa katika msimamo wa ligi ya nchini Italia baada ya kufikisha point 8 lakini The Giallorossi *AS Roma* wapo katika nafasi ya sita kwa kuwa na tofauti nzuri ya mabao ya kufungwa na kufunga.

BAKARI NJE MIEZI MITATU !!!

2011-10-03T17:56:00.000+03:00

Beki wa pembeni wa klabu ya Arsenal Bacary Sagna, itamchukua muda wa miezi miwili hadi mitatu kurejea tena uwanjani baada ya kuumia akiwa katika mchezo wa jana wa ligi kuu ya soka nchini Uingereza dhidi ya Tottenham Hotspurs walioibuka na ushindi wa mabao mawili kwa moja.

Daktari wa timu ya taifa ya Ufaransa Fabrice Bryand amethibitisha taarifa hizo kwa kusema kwamba Bacary Sagna hatokuwepo katika mchezo wa mwishoni mwa juma hili, ambapo mabingwa hao wa dunia wa mwaka 1998, watacheza mchezo wa kuwania nafasi kucheza fainali za mataifa ya barani Ulaya dhidi ya Albania.

Daktari huyo ametoa taarifa hizo kwa kushirikiana na jopo la madaktari wa klabu ya Arsenal ambao pia wamethibitisha kwamba beki huyo mwenye umri wa miaka 28 amevunjia mfupa wa mguu uitwao Fibula.

Tayari kocha mkuu wa timu ya taifa ya Ufaransa Laurent Blanc ameshamuita kikosini beki wa pembeni wa klabu Lille Mathieu Debuchy kama mbadala wa Bakari Sagna kwa ajili ya kuendelea na kampeni ya kusaka tiketi ya kucheza fainali za mataifa ya barani Ulaya.

Bakari Sagna aliumia mguu baada ya kusukumwa na beki wa pembeni wa Tottenham hotspurs Benoit Assou-Ekotto hatua ambayo ilimfanya kuangukia mbao za matangazo pembezoni mwa sehemu ya kuchezea ya uwanja wa White Hart Lane.

Wakati huo huo viongozi wa klabu ya Arsenal pamoja na Spurs wamelaani vitendo vya ubaguzi wa rangi vilivyojitokeza katika mchezo wa jana pale klabu hizo zilipokutana huko kaskazini mwa jiji la London.

Viongozi wa pande hizo mbili wamesema daima wataendelea kushirikiana kwa kila hali na katu hawatochukizana eti kwa sababu ya mashabiki ambao walionyesha vitendo ambavyo vilikosa uungwana.

Kwa mujibu wa taariffa iliyotolewa kwa pamoja na pande hizo mbili inadai kwamba lugha za matusi, kejili pamoja na ubaguzi wa rangi zilitawala kwa mashabiki wa Arsenal pamoja na wale wa Spurs.

Kwa upande wa Arsenal walimkejeli mshambuliaji wao wa zamani Emmanuel Adebayor kwa kumzomea na kumuimbia nyimbo za kumkashifu kutokana na janga lililoikuta timu ya taifa ya Togo ilipokua ikielekea nchini Angola katika fainali za mataifa ya barani Afrika mwaka 2010.

Nao mashabiki wa Spurs waliwakashifu wachezaji wa Arsenal Alex Song pamoja na Bakari Sagna kwa kigezo cha rangi.

UONGOZI WA MAN CITY KUKUTANA NA TEVEZ.

2011-10-03T17:55:00.000+03:00

Mshambuliaji kutoka nchini Argentina Carlos Tevez hii leo alitarajia kukutana na viongozi wa klabu ya Man city ikiwa ni sehemu ya kuendelea kwa uchunguzi unaofanya kufuatia tukio la kugoma kuingia uwanjani katika mchezo wa ligi ya mabingwa barani Ulaya dhidi ya Fc Bayern Munich kati kati ya juma lililopita.

Tevez anakutana na uongozi wa klabu hiyo ya Etihad Stadium, huku akiwa anatumikia adhabu ya kufungiwa majuma mawili kufuatia tukio hilo ambalo lilipokelewa vibaya na wadau wa soka nchini Uingereza pamoja na huko nchini Ujerumani.

Sababu kubwa ya mkutano huo ni kutaka kufahamu upende wa Carlos Tevez ambao una haki ya kutetea kwa kile alichokifanya ambapo anadai hakukataa kuingia uwanjani kama ilivyoelezwa na meneja wa man city Roberto Mancini.

Katika moja ya taarifa za mshambuliaji huyo mwenye umri wa miaka 27, alizozitoa mara baada ya kikosi cha Man city kuwasili mjini Manchester kikitokea nchini Ujerumani, ilieleza kwamba alikataa kufanya mazoezi ya kupasha mwili baada ya kutakiwa na Roberto Mancini kufanya hivyo kwa kuwa tayari alikua ameshapasha wakati wa mapumziko.

Endapo uongozi wa Man city utamkuta Carlos Teves na hatia juu ya tukio hilo huenda ukavunja makataba wake na kumuamuru aondokea Etihad Stadium akiwa kama mchezaji huru.

CAPELLO AWATEMA MAGWIJI KIKOSINI.

2011-10-03T17:52:00.000+03:00

Beki wa Man Utd Rio Ferdinand pamoja na kiungo wa Liverpool Steven Gerrard wameachwa katika kikosi cha timu ya taifa ya Uingereza ambacho mwishoni mwa juma hili kitahitaji matokeo ya sare ya aina yoyote ili kupata tiketi ya kucheza fainali za mataifa ya barani ulaya za mwaka 2012 zitakazochezwa nchini Poland na Ukraine.

Kocha mkuu wa timu hiyo Fabio Capello mapema hii leo aliita kikosi chake ambacho kinawakosa wachezaji wenye uzoefu huku wengine wakitemwa kutokana na sababu za kushuka viwango ama kuwa majeruhi katika kipindi hiki.

Mshambuliaji wa Tottenham Hotspurs Jermain Defoe pamoja na beki wa Man City Joleon Lescott wameachwa katika kikosi hicho licha ya kuonyesha jitihada za kujituma katika michezo ya ligi huku mshambuliaji wa Fulham Bobby Zamora pamoja na kipa wa Bursaspor Scott Carson wakijumuishwa katika kikosi cha wachezaji 24.

Mshambuliaji wa mabingwa wa soka nchini Uingereza Man Utd ambae kwa sasa yupo vizuri Danny Welbeck pamoja na mfungaji wa bao la pili la ushindi kwa Tottenham Hotspurs dhidi ya Arsenal Kyle Walker wamejumuishwa pia.

Kikosi kamili kilichoitwa na Fabio Capello kwa upande;

Makipa:
Scott Carson (Bursaspor), Joe Hart (Man City), David Stockdale (Ipswich).

Mabeki:
Leighton Baines (Everton), Gary Cahill (Bolton), Ashley Cole (Chelsea), Phil Jagielka (Everton), Phil Jones (Man Utd), Micah Richards (Man City), John Terry (Chelsea), Kyle Walker (Tottenham).

Viungo:
Gareth Barry (Man City), Stewart Downing (Liverpool), Adam Johnson (Man City), Frank Lampard (Chelsea), James Milner (Man City), Scott Parker (Tottenham), Theo Walcott (Arsenal), Ashley Young (Man Utd).

Wambuliaji:
Darren Bent (Aston Villa), Andy Carroll (Liverpool), Wayne Rooney (Man Utd), Danny Welbeck (Man Utd), pamoja na Bobby Zamora (Fulham)

ARSENE AMKINGIA KIFUA ADEBAYOR.

2011-10-01T17:50:00.000+03:00

Meneja wa washika bunduki wa Ashburton Grove, Arsenal Arsène Wenger amesema haamini kama mashabiki wa klabu hiyo bado wanakereka na tabia ya mshambuliaji kutoka nchini Togo Emmanuel Sheyi Adebayo ya kushangilia kwa kejeli mara baada ya kufunga bao katika mchezo wa ligi uliowakutanisha The Gunnes dhidi ya Man city mwaka 2009 huko Etihad Stadium.

Arsene Wenger amesema tayari mshambuliaji huyo mwenye umri wa miaka 25, ameshaomba radhi na kila mmoja klabuni hapo ameshamsamehe na katu hawawezi kulifikiria jambo hilo, na kuacha shughuli nyingine za kimaendeleo huko Emirates Stadium.

Wenger amezunguzia suala hilo, ikiwa imesalia siku moja kabla ya mpambano utakaowakutanisha mahasimu wa kaskazini wa jiji la London Arsenal dhidi ya Tottenham ambao kwa sasa wanamuhodhi Adebayor baada ya kumsajili kwa mkopo akitokea Man City.

VITA YA MANENO YA KUPAMBANA.

2011-10-01T17:46:00.000+03:00

Meneja wa klabu ya Chelsea Andre Villas Boas amesema bado anakabiliwa na mazingira magumu ya kuzifahamu timu pinzani ikiwa ni mara yake ya kwanza kukutana nazo katika mchuano ya ligi kuu ya soka nchini uingereza.

Andre Villas Boas amezungumzia suala hili linalomkabili kwa sasa, kufuatia mchezo wa kesho dhidi ya Bolton Wanderers ambao atakutana nao kwa mara ya kwanza toka alipojiunga na The blues akitokea Fc Porto mapema mwezi wa saba.

Amesema ni vigumu kucheza na klabu usiyoifahamu vizuri, lakini akasema mipango aliyoikuta huko Stamford Bridge imekua ikimuongoza kuvifahamu vikosi vya wapinzani pale wanapokutana navyo.

Meneja huyo mwenye umri wa miaka 33, ameendelea kueleza kwamba mpambano wa kesho ambao utaunguruma huko Reebok Stadium utakua na sura tofauti kutokana na nafasi waliopo Bolton kwenye msimamo wa ligi ambapo watahitaji kujipapatua na kuondoka mkiani.

Pia amemzungumzia meneja wa Bolton Wanderers Owen Coyle ambae alipewa jukumu la kukonoa kikosi hicho mwaka 2010, kwa lengo la kuinusuru klabu hiyo iliyokua mkiani na kwa bahati nzuri alifanikiwa kufanya hivyo.

Nae meneja wa Bolton Wanderers Owen Coyle akazungumzo kwa upande wake ni vipi anavyomchukulia meneja wa Chelsea Andre Villas Boas ambae alipewa shughuli hiyo mara baada ya kutimuliwa kazi Carlo Michelangelo Ancheloti.

Amesema meneja huyo ni mzuri licha ya kuwa na umri mdogo na mara kadhaa amekua akifuatilia namna anavyokinoa kiklosi cha Chelsea ambacho anaamini kesho kitaonyesha upinzani mkubwa dhidi ya kikosi cha Bolton Wanderers.

URENO KUWAKOSA WACHEZAJI MUHIMU KIKOSINI.

2011-10-01T17:44:00.000+03:00

Kikosi cha timu ya taifa ya Ureno, kitaelekea katika mchezo wa kuwania nafasi ya kucheza fainali za mataifa ya barani Ulaya, dhidi ya timu ya taifa ya Iceland mwishoni mwa juma lijalo huku kikiwakosa wachezaji wawili wa klabu ya Real Madrid.

Kikosi cha Ureno kitawakosa Pepe pamoja na Fabio Coentrao ambao kwa sasa wanauguza majeraha ya misuli waliyoyapata wakiwa na klabu ya Real Madrid.

Kocha mkuu wa timu ya taifa ya Ureno Paulo Bento amethibitisha taarifa hizo kwa kusema ameumizwa sana na hatua hiyo lakini hana budi kukubaliana na ukweli uliopo na kutazama ni vipi atakavyoweza kuwakabili Iceland siku ya ijumaa.

Amesema anadhani kwa sasa ni wakati wa kumtumia beki wa FC Köln ya nchini Ujerumani Henrique Sereno, pamoja na beki wa Valencia Ricardo Costa ambao ana hakika wana uzoefu wa kutosha wa kucheza michuano ya kimataifa.

Maamuzi ya meneja huyo pia yameendelea kuheshimu adhabu aliyopewa beki Ricardo Carvalho ambae alisimamishwa na chama cha soka nchini Ureno, kwa muda wa mwaka mzima baada ya kutoroka kambini na kisha kushindwa kutoa sababu zilizopelekea kufanya hivyo.

Katika hatua nyingine Paulo Bento amemuita kikosini winga wa Sporting Clube de Portugal Ricardo Quaresma pamoja na mshambuliaji wa zamani wa Benfica ambae kwa sasa anaitumikia Sporting Clube de Braga Nuno Gomes.

Timu ya taifa ya ureno ipo katika mazingira mazuri ya kupata nafasi ya kucheza fainali za mataifa ya barani Ulaya baada ya kufikisha point 13, ikiwa sawa na timu ya taifa ya Denmark pamoja na Norway.

Cesc Fabregas AUMIA MAZOEZINI.

2011-10-01T17:42:00.000+03:00

Kiungo kutoka nchini Hispania na klabu bingwa nchini humo FC Barcelona Cesc Fabregas huenda ikamchukua muda wa majuma matatu kurejea tena uwanjani baada ya kuumia akiwa mazoezini mapema hii leo.

Kiungo huyo ambae alijiunga na FC Barcelona mwezi August akitokea Arsenal ya nchini Uingereza, anakabiliwa na maumivu ya nyama za paja ambapo hatua hiyo inamfanya ajiunga na wachezaji wengine ambao ni majeruhi klabuni hapo kama Andres Iniesta, Alexis Sanchez pamoja na Ibrahim Afellay.

Kuumia kwake kunaendelea kumuumiza kichwa meneja wa Fc Barcelona Josep Pep Guardiola Isala, ambae alitarajia kumtumia katika mpambano wa kesho ambapo Barca watasafiri hadi huko Estadio El Molinón kupambana na wenyeji wao Sporting Gijon.

Cesc Fabregas , pia analazimika kuondolewa katika timu ya taifa ya Hispania baada ya kuitwa na kocha mkuu wa timu hiyo Vicente del Bosque kwa ajili ya mpambano wa mwishoni mwa juma lijalo wa kuwania nafasi ya kucheza fainali za mataifa ya barani Ulaya dhidi ya jamuhuri ya Czech na kisha mchezo dhidi ya Scotland.

Mpaka sasa kiungo huyo mwenye umri wa miaka 23, tayari ameshafunga mabao manne toka alipojiunga na Fc Barcelona akitokea Arsenal, hatua ambayo inaonyesha tayari ameshazoea mazingira ya huko camp Nou.

Victor Anichebe ATAMANI MCHEZO WA MWISHO WA NIGERIA.

2011-10-01T17:40:00.000+03:00

Mshambuliaji kutoka nchini Nigeria Victor Anichebe amesema kwa sasa si mwenye furaha kufuatia majeraha yanayomkabilia ambayo yatamkosesha mchezo wa kuwania nafasi ya kucheza fainali za mataifa ya barani Afrika dhidi ya timu ya taifa ya Guinea mwishoni mwa juma lijalo.

mshambuliaji huyo mwenye umri wa miaka 23 tayari ameshatemwa katika kikosi ambacho kilichoitwa na kocha mkuu Samson Siasia aliepania kuipelekea timu ya taifa ya Nigeria katika fainali hizo ambazo zitachezwa nchini Gabon pamoja na Equatorial Guinea.

Victor Anichebe amesema ni wakati mgumu sana kwake kwa hivi sasa kufikiria ni vipi alivyokua anahitajika katika kikosi cha Super Eagles ambacho kitatakiwa kupata ushindi katika mchezo huo dhidi ya Guinea ili kujihakikishia nafasi ya kuwa miongoni mwa mataifa 16 ya barani Afrika yatakayoshiriki hapo mwakani.

Anichebe alipatwa na maumivu ya nyonga katika mchezo dhidi ya Madagascar uliochezwa mwezi uliopita, ambapo katika mchezo huo alichezeshwa kama mshambuliaji pekee, baada ya kocha Samson Siasia kuamua kutumia mfumo wa 4-2-3-1.

Hata hivyo bado mshambuliaji huyo ataendelea kuwa nje ya uwanja kwa muda wa miezi miwili ijayo, kufuatia majibu ya vipimo alivyofanyiwa siku za hivi karibuni.

MAANDALIZI YA LIGI YA MABINGWA AFRIKA.

2011-10-01T17:37:00.000+03:00

Beki kutoka nchini Ghana pamoja na klabu ya Esperance ya nchini Tunisia Harrison Afful amesema ushirikiano na umoja ndani ya kikosi cha klabu hiyo, anaimani utakua chachu katika muendelezo wa kusaka mafanikio kwenye michuano ya ligi ya mabingwa barani Afrika.

Harrison Afful amehimiza suala hilo la mshikamano na umoja huku akiutazama mchezo wa hapo kesho wa ligi ya mabingwa barani Afrika ambao utawakutanisha na Al Hilal ya nchini Sudan huko mjini Khartoum.

Beki huyo amesema kwa sasa kikosi chao kinaishikilia dhana hiyo na wanaamini itawasaidia kufanikisha suala la upatikananaji wa ushindi wakiwa katika uwanja wa ugenini.

Hata hivyo amekiri kwamba mpambano huo utakua mgumu kwa pande zote mbili lakini wao wameshajiandaa kukabiliana na hali yoyote watakayokutana nayo kutoka kwa Al Hilal ambao watakua na nguvu ya kushangiliwa na mashabiki wao wa nyumbani.

Amesema kwa muda wa juma zima wamekua na mazungumzo na uongozi wa benchi la ufundi kuhusiana na mpambano wa hapo kesho na suala kubwa linalosisitizwa ni ushirikiano na umoja.

Harrison Afful anatarajia kujumuishwa kikosini hiyo kesho baada ya kumaliza adhabu ya kuonyesha kadi nyekundu katika mchezo dhidi ya mabingwa wa zamani wa barani Afrika Al-Ahly kutoka nchini ambao walilazimishwa sare wakiwa nyumbani.

King Kenny Dalglish AWAHUSIA MABEKI WAKE.

2011-09-30T17:36:00.000+03:00

Meneja wa majogoo wa jiji Liverpool King Kenny Dalglish ameitaka safu ya ulinzi ya kikosi chake kufanya juhudui ambazo zitawawezesha kufanya kazi kwa pamoja kwa lengo la kutoruhusu kufungwa katika mchezo wa ligi dhidi ya Everton utakaochezwa kesho huko Goodson Park.

King Kenny Dalglish ametoa wito huo kufuatia wachezaji wake kufanya vyema katika mchezo uliopita ambapo walifanikiwa kuchomoza na ushindi dhidi ya Wolves waliokubali kisago cha mabao mawili kwa moja.

Amesema endapo safu yake ya ulinzi itakua makini kuna uhakika wa kufanya vizuri hiyo kesho ambapo kutakua na upinzani wa hali ya juu kutokana na upinzani wa klabu hizo pale zinapokutana.

Hata hivyo sababu kubwa iliyopelekea King Kenny Dalglish kuwahimiza wachezaji wake wananaocheza nafasi ya ulizni ni kutotaka kurejesha tofauti kubwa ya mabao ya kufungwa na kufunga ambapo kwa sasa msimamo wa ligi unaonyesha Liverpool katika kipingele hicho hana bao analodaiwa.

Everton wao wataingia katika uwanja wao wa nyumbani hiyo kesho huku wakiwa na kumbu kumbu ya kupoteza mchezo uliopita ambapo walikubali kisago cha mabao mawili kwa sifuri kutoka kwa Man City waliokua nyumbani huko Etihad Stadium.

SIKUSTAHILI KUFANYA VILE.

2011-09-30T17:34:00.000+03:00

Siku mbili kabla ya mchezo wa ligi kuu ya soka nchini Uingereza ambao utawakutanisha mahasimu wa kaskazini mwa jiji hilo, Tottenham Hotspurs dhidi ya Arsenal, mshambuliaji aliesajiliwa kwa mkopo huko White Hart Lane akitokea Man City Emmanuel Sheyi Adebayor, ametamba kuifunga The Gunners katika mchezo huo.

Adebayor ametamba kuifunga Arsenal katika mpambano huo wa siku ya jumapili, huku akiringia utaratibu mzuri alioanza nao mara baada ya kusajiliwa klabuni hapo, ambapo alifanikiwa kufunga bao lake la kwanza akiwa na Spurs katika mchezo dhidi ya Wolves.

Mshambuliaji huyo kutoka nchini Togo, amesema anaamini mchezo huo utakua mgumu kutokana na historia ya vikosi vya klabu hizo vinapokuatana, lakini atajitahidi kadri awezavyo, kuhakikisha anafanya mipango ya kuwanyanyua mashabiki wa Tottenham ambao tayari wameshamkubali kufuatai kazi nzuri aliyoifanya.

Hata hivyo Adebayor amekiri alifanya makosa pale aliposhangilia mbele ya mashabiki wa Arsenal baada ya kufunga bao dhidi ya klabu hiyo ambayo ilimuuza Man City kwa ada ya uhamisho wa paund million 25.

Nae meneja wa Spurs Harry Redknapp amesema wanakwenda katika mchezo huo wa jumapili huku wakiamini Arsenal ni wazuri na wala hawatowadharau kutokana na misukosuko iliyowapata siku za hivi karibuni.

Amesema anatambua umuhimu wa mchezo huo, na katu hawezi kujidaia matokeo ya michezo ya ligi ya msimu uliopita ambapo Spurs waliibuka na point nne baada ya kupata ushindi emirates stadium na kulazimisha sare white hart lane.

Titus Bramble AFUNGIWA.

2011-09-30T17:32:00.000+03:00

Uongozi wa klabu ya Sunderland umetangaza kumsimamisha kwa muda, beki wa klabu hiyo Titus Bramble ambae anakabiliwa na tuhuma za ubakaji pamoja na kukutwa na dawa za kulevya.

Uongozi wa klabu hiyo ya Stadium Of Light, umemsimamisha beki huyo mwenye umri wa miaka 30, kwa kipindi ambacho hakikuwekwa wazi lakini taarifa zingine zinadai kwamba huenda akarejea kikosini mara baada ya kukamilika kwa kesi inayomkabili.

Adhabu hiyo pia inahusisha harakati za kufanya mazoezi na kikosi cha klabu ya Sunderland ambacho mwishoni mwa juma hili kutaendelea na mkakati ya kusaka point tatu muhimu katika ligi kuu ya soka nchini Uingereza mara baada ya kukubali kisago cha mabao mawili kwa moja kutoka kwa Norwich city mwanzoni mwa juma hili.

Titus Bramble alikamatwa na jeshi la polisi nchini Uingereza siku mbili zilizopita, na kufanyiwa mahojiano na askari wa jeshi hilo, lakini jana aliachiwa kwa dhamana.

SAKATA LA CARLOS TEVEZ LAENDELEA KUSUMBUA UINGEREZA.

2011-09-30T17:21:00.000+03:00

Meneja wa mabingwa wa soka nchini Uingereza Man Utd Sir Alex Ferguson amemuunga mkono meneja wa klabu pinzani ya Man city Roberto Mancini kufuatia msimamo wake wa kutomuhitaji mshambuliaji kutoka nchini Argentina Carlos Tevez.

Sir Alex Ferguson amesema msimamo wa meneja huyo kutoka nchini Italia unaonyesha ni vipi alivyo na maamuzi yenye nguvu ndani ya klabu ya Man City ambayo ana hakika haimtazami yoyote yule klabuni hapo kwa uwezo ama umaarufu alionao.

Amesema mchezaji siku zote anastahili kutii amri anayoamrishwa na mkuu wake wa kazi na yeye binafsi hakufurahishwa na kitendo alichokionyesha mshambuliaji huyo mwenye umri wa miaka, 27 ambae pia aliwahi kuwa chini yake huko Old Trafford.

Na aliekua kiungo wa klabu ya Man Utd, Paul Scholes amesema anamuonea huruma Carlos Tevez kutokana na tukio lililojitokeza katika mchezo wa ligi ya mabingwa dhidi ya FC Bayern Munich uliochezwa usiku wa kuamkia siku ya jumatano.

Paul Scholes amesema anamuelewa vizuri Carlos Tevez na kikubwa alichonacho katika tabia ni kuhitaji kucheza kila mara na linapojitokeza jambo kinyume na hilo hukasirishwa na hatua hiyo.

Amesema yeye binafsi anakumbuka mwaka 2001, aliwahi kugoma kutii amri ya Sir Alex Ferguson ambae alimtaka kuingia uwanjani kama mchezaji wa akiba katika mchezo wa kuwania kombe la ligi na matokeo yake alitupwa benchi katika mchezo dhidi ya Liverpool.

Wakati huo huo mmoja wa viongozi wa klabu ya West Ham Utd iliyomsajili Carlos Tevez mwaka 2006 na kumpelekea nchini Uingereza kwa mara ya kwanza akitokea Sports Corinthians Paulista ya nchini Brazil, amesema yupo tayari kumrejesha mshambuliaji huyo Upton Park kwa mkopo.

Taarifa hiyo imetoka huko jijini London huku viongozi wa Man City wakiendelea kutafakari hatua za kumchukulia mshambuliaji huyo baada ya kumsimamisha kwa majuma mawili na pengine huenda adhabu hiyo ikaongezwa baada ya kufanyika kwa uchunguzi.

Hata hivyo kuna taarifa kwamba wabeba nyundo hao wa London wapo tayari kumlipa Carols Teves mshahara wa paundi 250,000 kwa juma kwa muda wa miezi mitatu, mshahara ambao anaupata kwa sasa huko Etihad Stadium.

Wakati hayo yakijiri mshambuliaji mwingine wa Manchester City Edin Dzeko amemuomba radhi Roberto Mancini kufuatia kitendo cha utovu wa nidhamu alichokionyesha baada ya kutolewa nje katika mchezo dhidi ya Fc Bayern Munich na nafasi yake kuchukuliwa na Nigel De Jong.

Edin Dzeko amesema hakudhamiria kufanya kitendo cha kutupa, Track Sout bali alifanya hivyo baada ya kushindwa kutimiza malengo ya kuisaidia klabu yake ambayo tayari ilikua nyuma kwa idadi ya mabao mawili kwa sifuri.

MFANYABIASHARA WA KIMAREKANI AWA RAISI WA AS ROMA.

2011-09-29T18:31:00.000+03:00

Mfanya biashara kutoka nchini Marekani Thomas DiBenedetto ametangazwa kuwa raisi wa klabu ya AS Roma baada ya kukamilisha mipango ya kununua asilimia 67 ya hisa za klabu hiyo mwezi mmoja uliopita.

Thomas DiBenedetto anakuwa raisi wa 22 wa klabu hiyo ya mjini Roma, na sasa anaichukua kutoka mikononi mwa familia ya Sensi ambayo imekuwa madarakani kwa muda wa miaka 18 iliyopita.

Hatua za kutangazwa kwa mfanyabiashara huyo zimethibitishwa muda mchache baada ya masuala la kisheria kukamilishwa na mwanasheria wa benki UniCredit Roberto Cappelli ambae alipitia mipango yote ya kisheria na kuona haina doa kwa Thomas DiBenedetto.

Utaratibu wa kuthibitishwa na mwanasheria wa benki UniCredit, umekuja kufuatia Thomas DiBenedetto, kufanya kazi na benki hiyo kwa kipindi kirefu hatua ambayo ilipelekea kufanya mpango wa kuinunua AS Roma kwa uaminifu uliopo dhidi ya benki hiyo.

Kwa mantiki hiyo sasa Thomas DiBenedetto anakuwa raisi wa kwanza wa klabu ya AS Roma ambae si raia wa nchini italia pamoja na kuwa mmiliki wa klabu ya michezo katika ardhi ya nchi hiyo.

ROBERTO MARTINEZ AIKATAA MIPANGO YA KUMSAJILI DIOUF.

2011-09-29T18:29:00.000+03:00

Meneja wa Wigan Athletics, Roberto Martinez amekanusha taarifa za kuwa mbioni kumsajili mshambuliaji kutoka nchini Senegal El-Hadji Diouf.

Roberto Martinez amekanusha taarifa hizo huku akikiri uwepo wa mshambuliaji huyo katika mazoezi ya kikosi chake ambacho kinashiriki michuano ya ligi kuu ya soka nchini Uingereza na mwishoni mwa juma hili kitashuka dimbani kucheza na Aston Villa.

Amesema El-Hadji Diouf amekua akifanya mazoezi na wachezaji wake, na hatua hiyo ilianza toka alipotemwa na klabu ya Blackburn ambayo ilichoshwa na tabia zake za utovu wa nidhamua ambazo alikua akizionyesha mara kwa mara.

Amesema mbali na mshambuliaji huyo mwenye umri wa miaka 30, pia kipa kutoka nchini Ghana Richard Kingson, amekua akifanya mazoezi na kikosi chake mara baada ya kutemwa na klabu ya Blackpool, ambayo ilishuka daraja mwishoni mwa msimu uliopita.

Hata hivyo Roberto Martinez ametoa sababu za kuwapokea wachezaji hao wawili katika mazoezi ya kikosi chake ambapo amedai kwamba uwepo wao kikosini unatoa changamoto ya uzoefu kwa wachezaji wake ambao wanahitaji msaada mkubwa katika suala hilo.

Lakini licha ya kukanusha taarifa za kutaka kumsajili El-Hadji Diouf, Roberto Martinez bado anaendelea na mchakatio wa kutaka kufanya usajili wa mchezaji mmoja ama wawili ambao watajiunga na wengine klabuni hapo kwa lengo la kuongeza nguvu ambayo inaonekana kupungua, hatua ambayo imesababisha vipigo katika michezo ya ligi.

Wakati huo huo Roberto Martinez amezungumzia mchezo wa mwishoni mwa juma hili dhidi ya Aston villa ambapo amesema utakua mchezo muhimu kwa kila upande zaidi ya masuala ya kibinafsi ya kila mtu anaehusika na mchezo huo.

Martinez amezungumzi suala hilo baada ya kuulizwa anajisikia vipi kuelekea Villa Park baada ya kuikataa ofa ya kuwa meneja wa klabu ya Aston Villa mwishoni mwa msimu uliopita.

TEVEZ APIGWA STOP ETIHAD STADIUM.

2011-09-29T18:28:00.000+03:00

Uongozi wa klabu ya Man City umemsimamisha kwa muda wa majuma mawili mshambuliaji kutoka nchini Argentina Carlos Tevez kufuatia utovu wa nidhamu aliouonyesha katika mchezo dhidi ya Fc Bayern Munich usiku wa kuamkia jana huko Allianze Arena.

Uongozi wa klabu hiyo ya Etihad Stadium umefikia maamuzi hayo baada ya kupoa taarifa kamili kutoka kwa meneja Roberto Mancini ambae alikiri kuchukizwa na tabia aliyoonyeshwa na mshambuliaji huyo mwenye umri wa miaka 27.

Taarifa iliyotolewa imeeleza kwamba kwa kipindi cha majuma mawili, uchunguzi utafanyika wa kubaini nini chanzo kilichopelekea Caros Tevez kugoma kuingia uwanjani kama mchezaji wa akiba wakati tayari Bayern Munich walikua wanaongoza mabao mawili kwa sifuri yaliyofungwa na Mario Gomes.

Taarifa hio imeongeza kwamba Carlos Tevez akiwa anaendelea na adhabu hiyo hatoruhusiwa kufanya shughuli yoyote klabuni hapo pamoja na kujumuika na wachezaji wenzake watakapokua mazoezini.

Hata hivyo Roberto Mancini ameshatoa msimamo wake wa kutokua tayari kushirikiana na mchezaji huyo mpaka hapo mkataba wake utakapofikia kikomo ama kuondoka kama mchezaji atakaeuzwa kwenye klabu nyingine itakayokua tayari kumsajili.

Kama itakumbukwa vyema Carlos Tevez alitoa kauli yake mara baada ya kurejea nchini Uingereza wakitokea nchini Ujerumania mbapo alisema kuwa benchi la ufundi lilimuelewa vibaya kufuatia maamuzi aliyoyafanya, lakini akaahidi atakuwa tayari kufanya chochote atakachoagizwa kukifanya klabuni hapo.

Frank Lampard AKIRI KUKASIRIKA.

2011-09-29T18:26:00.000+03:00

Mfungaji wa bao la Chelsea katika mchezo wa kundi la tano la michuano ya ligi ya mabingwa barani Ulaya dhidi ya Valencia CF uliochezwa usiku wa kuamkia hii leo huko Stadio Mestella Frank Lampard amekiri hakufurahishwa na hatua ya kutolewa nje na nafasi yake kuchukuliwa na mshambuliaji kutoka nchini Ivory Coast Solomon Kalou.

Frank Lampard amesema alistahili kuendelea kubaki kikosini kwa ajili ya kuongeza purukushani za kusaidiana na wengine katika harakati za kusaka ushindi wakiwa ugenini lakini mwisho wa siku walijikuta wakilazimishwa sare ya bao moja kwa moja.

Kiungo huyo mwenye umri wa miaka 33, amesema kwamba mchezo wa jana ulikua mzuri sana kwake kutokana na uchezaji mzuri wa kikosi cha Chelsea ulioonyeshwa uwanjani na alidhani angemaliza katika dakika zote 90.

Hata hivyo amedai kwamba anaheshimu maamuzi ya meneja Andre Villas Boas ambae ndie mwenye jukumu la kuamua nani acheze tena kwa wakati gani na mchezo gani katika msimu mzima wa soka.

Katika hatua nyingine meneja wa klabu ya Chelsea Andre Villas Boas ameonyesha kufurahishwa na mpango wake wa kumjumuisha kikosini Frank Lampard katika mchezo dhidi ya Valencia CF.

Andre Villas Boas amesema mashabiki wengi walikua wanambeza kiungo huyo kwa kisingizio cha kushikwa kwa kiwango chake ambapo anadhani hali hiyo ilitokana na kutompanga katika michezo kadhaa iliyopita.

Amesema hatua ya kufunga bao katika mpambano huo imekuwa nzuri kwake na pia imekuja kwa wakati muafaka baada ya kuwatahadharisha mashabiki wanaombeza Frank Lampard.

Alex Chamberlain AZUA GUMZO.

2011-09-29T18:17:00.001+03:00

Bao lililofungwa katika dakika ya 8 na mshambuliaji wa pembeni kutoka nchini Uingereza na klabu ya Arsenal Alex Chamberlain, limemfanya mchezaji huyo kuweka rekodi ya kuwa mchezaji mwenye umri mdogo aliefunga kupitia michuano ya ligi ya mabingwa barani Ulaya.

Alex Chamberlain aweka rekodi hiyo na kuvunja rekodi iliyokua inashikiliwa na kiungo wa klabu ya arsenal Theo Walcot ambae mwaka 2007 alipata nafasi ya kufunga bao katika michuano hiyo akiwa na umri wa miaka 18 na siku 221.

Alex Chamberlain ambae kwa sasa ana umri wa miaka 18 na siku 44, amesema amefarijika na hatua hiyo ambayo anaamini imekuja kutokana na juhudi zake pamoja na ushirikiano na wachezaji wengine waliokuwepo kikosini hiyo jana.

Amesema mbali na suala hilo pia hana budi kuwashukuru wale wote waliomuwezesha kufikia mafanikio ya kucheza katika klabu kubwa inayotambulika ulimwenguni kote hatua ambayo imemfanya acheze katika michuano ya ligi ya mabingwa barani ulaya ambapo jana ulikua mchezo wake wa kwanza.

Alex Chamberlain 18 yrs 44days..Olympiacos ...2011.
Theo Walcot 18 yrs 221 days.. Slavia Prague ...2007.
Jack Wilshare 18 yrs 291 days.. Shakhtar Donetsk...2010.
Rooney 18 yrs 340 days..Fenerbahce..2004.
Bekham 19 yrs 219 days.

Nae meneja msazidi wa klabu ya Arsenal Pat Rice ambae jana alikua mkuu wa benchi la ufundi kufuatia bosi wake Arsene Wenger aliemaliza adhabu ya kufungiwa michezo miwili na UEFA amesema ni jambo zuri kwa mchezaji mwenye umri mdogo kama Alex Chamberlain kupata mafanikio hayo.

Amesema ni mara chache sana kwa wachezaji kama winga huyo kufunga kwenye michuano mikubwa kama ya ligi ya mabingwa barani Ulaya, hivyo bado akaendelea kusisitiza jambo la kufarijika na muonekano wa kikosi alichokipanga hiyo jana dhidi ya mabingwa wa soka toka nchini Ugiriki, Olympiacos ambao walikubali kibano cha mabao mawili kwa moja.

Bao la pili la Arsenal lilifungwa na beki wa pembeni kutoka nchini Brazil Andre Santos aliesajiliwa mwanzoni mwa msimu huu akitokea katika klabu ya Fenabahce ya nchini Uturuki huku bao la kufutia machozi la olympiacos likifungwa na David Fuster.

AC MILAN NI KIBOKO ULAYA.

2011-09-29T00:19:00.000+03:00

Stadio Giuseppe Meazza, Milan
AC Milan 2 - 0 Viktoria Plzen

Matokeo ya michezo mingine ya ligi ya mabingwa barani Ulaya iliyochezwa usiku huu ni pamoja na:

Petrovskiy, St. Petersburg
Zenit St. Petersburg 3 - 1 FC Porto

BayArena, Leverkusen
Bayer Leverkusen 2 - 0 Racing Genk

Mestalla, Valencia
Valencia CF 1 - 1 Chelsea

Stade Vélodrome, Marseille
Olympique Marseille 3 - 0 Borussia Dortmund

Emirates Stadium, London
Arsenal 2 - 1 Olympiacos

Donbass Arena, Donetsk
Shakhtar Donetsk 1 - 1 APOEL Nicosia

Dynamo Stadium, Minsk
BATE Borisov 0 - 5 FC Barcelona

Titus Bramble ASHIKWA NA POLISI UINGEREZA.

2011-09-28T17:13:00.001+03:00

Beki wa klabu ya Sunderland Titus Bramble anashikiliwa na jeshi la polisi nchini uingereza kufuatia kukabiliwa na tuhuma za unyanyasaji wa kijinsia sambamba na tuhuma za dawa za kulevya.

Taarifa iliyotolewa na jeshi hilo zimeeleza kwamba beki huyo mwenye umri wa miaka 30 alikamatwa mapema hii leo na amefanyiwa mahojiano yanayohusianana tuhuma zinazomkabnili.

Titus Bramble anatuhumiwa kufanya vitendo hivyo usiku wa kuamkia hii leo hatua ambayo imewashangaza wengi kutokana na muonekano wake anapokua uwanjani.

Beki huyo alikua miongoni mwa wachezaji wa Sunderland waliocheza mchezo wa ligi kuu ya nchini Uingereza siku mbili zilizopita huko carrow road dhidi ya wenyeji Norwich city walioibuka na ushindi wa mabao mawili kwa moja.

Titus Bramble alianza kutambulika katika medani ya soka mara baada ya kupandishwa katika kikosi cha kwanza cha Ipswich town na baada ya hapo alisajiliwa na klabu ya Newcastel Utd kwa ada ya uhamisho wa paund million 5 mwaka 2002.

Alikaa huko St James Park kwa kipindi cha miaka mitano kabl ya kuihama Newcastle na kujiunga na Wigan mnamo mwaka 2007 na kisha aliachana na klabu hiyo baada ya kusajiliwa na Sunderland mwanzoni mwa msimu uliopita.

Mwezi uliopita mdogo wa Titus Bramble aitwae Tesfaye Bramble alihukumiwa kifungo cha miaka minne na nusu baada ya kukutwa na hatia ya kubaka.

Tesfaye Bramble mwenye umri wa miaka 19, hakupata nafasiya kufahamika vyema katika medani ya soka, kufuatia kucheza ligi za chini za nchini Uingereza.

Carlos Tevez ATOA KALI YA MWAKA MAN CITY.

2011-09-28T17:10:00.000+03:00

Mshambuliaji kutoka nchini Argentina Carlos Tevez, ameibua zogo jipya huko Etihad Stadium baada ya kukataa kutumika kama mchezaji wa akiba katika mchezo wa kundi la dhidi ya FC Bayern Munich waliokua nyumbani Allianze Arena.

Hatua hiyo imeonekana kummkera mno meneja wa Man city Roberto Mancini ambapo amesema hatompa mshambuliaji huyo nafasi nyingine ya kucheza katika kikosi chake hadi hapo muda wa kuondoka Etihad Stadium utakapotimia.

Amesema hakufurahishwa na kitendo hicho cha Carlos Tevez ambae tayari alikua ameshamueleza taarifa za kumtumia kama mchezaji wa akiba lakini alipomuamuru ajiandae alimkatalia kata kata huku zikiwa zimesalia dakika 34 mpambano kumalizika.

Kufuatia hatua hiyo Roberto Mancini amedai kwamba kila mmoja anastahili kumuheshimu mwingine klabuni hapo kutokana na nafasi aliyonayo na sasa haoni sababu ya kuendelea kumtumia Tevez kama mchezaji ambae anartegemewa kikosini.

Kwa upande wa Carlos Tevez mwenye umri wa miaka 27, amejitetea kwa kusema hakukataa kucheza katika mchezo huo wa jana na msimamo wake ulichukuliwa tofauti na meneja huyo kutoka nchini Italia.

Carlos Tevez pia amewataka radhi mashabiki wa Man city kwa kile kilichoonekana usiku wa kuamkia hii leo, huku akieleza wazi kwamba bado anaipenda klabu hiyo na atakua tayari kufanya atakachoelekezwa.

Hii si mara ya kwanza kwa wawili hao kusigana, kwani kama itakumbukwa vyema tayari Carlos Teves ameshawahi kukwaruzana mara kwa mara na Roberto Mancini na kufikia hatua mshambuliaji huyo kutaka kuondoka na kurejea nyumbani kwao Argentina kwa kisingizio cha kuhitaji kuwa karibu na familia yake yenye watoto wawili wa kike.

Katika mchezo huo wa kundi la kwanza wenyeji FC Bayern Munich walitimiza malengo yao ya kupata ushindi nyumbani, baada ya kuwabanjua wageni wao mabao mawili kwa sifuri yaliyofungwa na Mario Gomez katika dakika ya 38 na 45.

Sir Alex Ferguson AWAITA WACHEZAJI WAKE WAZEMBE.

2011-09-28T17:08:00.001+03:00

Uzembe na kutokua makini ni maneno yaliyokua yametawala katika mazungumzo ya meneja wa Man utd Sir Alex Ferguson dhidi ya waandishi wa habari mara baada ya mchezo wa jana wa kundi la tatu ambapo mashetani wekundu walilazimisha sare dhidi ya mabingwa wa soka toka nchini Uswiz Fc Basle.

Sir Alex Ferguson alitumia maneno hayo kwa kuwalaumu wachezaji wake ambao walionyesha uwezo mkubwa katika kipindi cha kwanza ambacho kilishuhudia wakielekea mapumziko huku wakiongoza mabao mawili kwa sifuri lakini hali iliwabadilikia katika kipindi cha pili.

Amesema endapo wachezaji wake wangekuwa makini na kulinda mabao mawili yaliyopatikana katika kipindi cha kwanza kulikua na ulazima wa kuongeza bao lingine na pengine kupata point tatu muhimu ambazo zingewapa nafasi ya kukaa pazuri katika msimamo wa kundi la tatu.

Nae meneja wa Fc Basle Thorsten Fink amepasua ukweli wa kile kilichopelekea wachezaji wake kuonyesha juhudi na kufanikia kurejea katika mchezo na mwishowe kulazimishwa sare ya mabao matatu kwa matatu.

Thorsten Fink amesema kutokukata tamaa na mabao waliyofungwa katika kipindi cha kwanza ilikuwa ni sera yao na aliwaeleza suala hilo wachezaji wake wakati wa mapumziko.

Hata hivyo amedai kwamba walijiandaa vyema kabla ya mpambano huo wa jana ambapo alijua wanakwenda kupambana na timu nzuri na yenye kujua kulikabili lango la wapinzani.

Andre Villas-Boas APINGANA NA MASHABIKI.

2011-09-28T17:06:00.000+03:00

Meneja wa klabu ya Chelsea Andre Villas-Boas ameahidi kuendelea kumpa nafasi ya kutosha kiungo kutoka nchini Uingereza Frank Lampard ambae kwa sasa anachukuliwa kwa mtazamo tofauti na mashabiki wa soka ulimwenguni kote kwa kudai kiwango chake kimeporomoka.

Andre Villas-Boas ametoa ahadi hiyo akiwa katika mkutano na waandihsi wa habari mjini Valencia nchini Hispania uliolenga kuzungumzia mpambano wa hii leo ambapo Chelsea watakua ugenini wakicheza na wenyeji wao Valencia CF huko Stadio Mestella.

Amesema yeye binafsi bado anaamini kiungo huyo mwenye umri wa miaka 33, ana uwezo wa kutosha ambao utaendelea kuisaidia The Blues miaka kadhaa ijayo hivyo hayapi nafasi akilini mwake maneno yanayosemwa na mashabiki dhidi ya frank Lampard.

Amesema muda unavyozidi kwenda kiwango cha mchezaji huyo kinabadilika na anaamini ipo siku mashabiki wanaopinga suala hilo watakubaliana na yeye, kwa nini anaamua kuendelea kuwa na Frank Lampard kikosini.

Kikosi cha Chelsea usiklu huu kitakuwa huko Stadio Mestella, kwa lengo la kuendeleza mipango ya ushindi baada ya kuibuka na ushindi wa mabao mawili kwa sifuri katika mchezo wa kwanza wa kundi la tano dhidi ya Bayer –Leverkusen majuma mawili yaliyopita.

Kiungo aliesajiliwa na Chelsea mwanzoni mwa msimu huu Juan Mata akitokea Valencia CF atakua miongini mwa wachezaji wanaotarajiwa kujumuishwa kikosini hatua ambayo inaaminiwa italeta upinzani wa hali ya juu kwa vikosi vya klabu hizo mbili.

Mikel Arteta AMFAGILIA ARSENE WENGER.

2011-09-28T17:00:00.000+03:00

Kiungo kutoka nchini Hispania Mikel Arteta amekiri kufurahia hatua ya kucheza michuano ya ligi ya mabingwa barani Ulaya mara baada ya kufanya hivyo kwa mara ya kwanza akiwa na klabu yake ya zamani ya Everton mwaka 2005 ambayo haikufika mbali baada ya kuondolewa katika hatua ya mtoano dhidi ya Villareal.

Mikel Arteta amesema ndoto zake kabla ya kujiunga na Arsenal mwanzoni mwa msimu huu, zilikua ni kucheza ligi hiyo na sasa anaamini ametimiza alichokua akikihitaji siku nyingi zilizopita.

Kiungo huyo mwenye umri wa miaka 27 amesema kila mchezaji anaecheza soka barani Ulaya hutamani kucheza michuano hiyo mikubwa kwa ngazi ya klabu, hivyo hana budi kukiri amefurahishwa na kitendo hicho.

Mikael Arteta usiku huu atacheza mchezo wake wa pili wa ligi ya mabingwa barani Ulaya akiwana kikosi cha Arsenal ambacho kitakua nyumbani kucheza na mabingwa wa soka toka nchini Uguriki Olympiacos mara baada ya kujumuishwa kikosini katika mchezo uliopita dhidi ya Borrusia Dotmund waliolazimisha matokeo ya sare ya bao moja kwa moja.

Ne meneja wa Arsenal Arsene Wenger amesifiwa uwezo wa mchezaji huyo anapokua uwanjani ambapo amesema mikael arteta ana tabia ya kujituma wakati wote na hiyo ilikua sifa kubwa ya kumsajili akitokea Everton.

Wenger ameongeza kwamba aina ya uchezaji kama wa kiungo huyo amekua anavutiwa nao na anaamini usiku huu utakisaidia kikosi chake ambacho kinahitaji ushindi.

Arsene wenger usiku huu ataendelea kutumikia adhabu ya kutokukaa katika benchi aliyopewa na shirikisho la soka barani ulaya UEFA baada ya kudhidhirika alifanya mawasiliano na benchi hilo wakati wa mchezo wa kwanza wa hatua ya mtoano dhidi ya Udinese Calcio.

REAL MADRID WAZIDI KUTAKATA ULAYA.

2011-09-28T00:08:00.000+03:00

Luzhniki, Moscow
CSKA Moscow 2 - 3 Internazionale

Allianz-Arena, Munich
Bayern Munich 2 - 0 Manchester City

Stadio San Paolo, Naples
Napoli 2 - 0 Villarreal CF

Hüseyin Avni Aker, Trabzon
Trabzonspor 1 - 1 Lille OSC

Old Trafford, Manchester
Manchester United 3 - 3 FC Basel

Stadionul National Arena, Bucharest
Otelul Galati 0 - 1 Benfica

Stade Gerland, Lyon
Olympique Lyon 2 - 0 Dinamo Zagreb

Bernabéu, Madrid
Real Madrid 3 - 0 Ajax

HII LEO JUMATANO MICHEZO HII ITAENDELEA TENA AMBAPO:

Petrovskiy, St. Petersburg
Zenit St. Petersburg v FC Porto

BayArena, Leverkusen
Bayer Leverkusen v Racing Genk

Mestalla, Valencia
Valencia CF v Chelsea

Stade Vélodrome, Marseille
Olympique Marseille v Borussia Dortmund

Emirates Stadium, London
Arsenal v Olympiacos

Donbass Arena, Donetsk
Shakhtar Donetsk v APOEL Nicosia

Stadio Giuseppe Meazza, Milan
AC Milan v Viktoria Plzen

Dynamo Stadium, Minsk
BATE Borisov v FC Barcelona

Huub Stevens MENEJA MPYA WA SCHALKE 04.

2011-09-27T15:02:00.000+03:00

Wana nusu fainali ya ligi ya mabingwa barani Ulaya msimu uliopita, Schalke 04 wamemteua Huub Stevens kuwa meneja wa klabu hiyo baada ya Ralf Rangnick alietangaza kujiuzulu mwishoni mwa juma lililopita kufuatuia sababu za kiafya.

Huub Stevens ambae ni raia kutoka nchini Uholanzi ameteuliwa kushika wadhifa huo huku akikumbukwa na wengi kufautia mchango wake alioutoa huko Veltins-Arena, mjini Gelsenkirchen ambao ulipelekea kuizawadia ubingwa wa kombe la UEFA klabu ya Schalke 04 mwaka 1997 pamoja na ubingwa wa kombe la nchini ujerumani mwaka 2001 na 2002 huku akiisaidia klabu hiyo kumaliza katika nafasi ya pili kwenye msimamo wa ligi ya Bundesliga katika msimu wa mwaka 2000-01.

Meneja huyo alieanza kazi ya kukinoa kikosi cha klabu Schalke kuanzia mwaka 1996 hadi mwaka 2002, amesaini mkataba wa miaka miwili ambao utafikia kikomo mwezi June mwaka 2013.

Mapema hii leo alitarajiwa kuanza kibarua cha kukinoa kikosi chake tayari kwa mchezo wa ligi ya barani Ulaya dhidi ya Maccabi Haifa utakaochezwa siku ya Al-khamis na kisha mchezo wa ligi wa mwishoni mwa juma hili dhidi ya Hamburger SV.

Stevens, ambae kwa sasa bado anaendelea kushikilia rekidi ya kipekee ya kuizawadia mafanikio makubwa Schalke 04, pia aliwahi kuzinoa klabu za nchini Ujerumani kama FC Cologne, Hamburg SV pamoja na Hertha Berlin.

Kwa upande wa nchini kwao Uholanzi meneja huyo mwenye umri wa miaka 57 amewahi kuinoa klabu ya PSV Eindhoven pamoja na RB Salzburg ya nchini Austria.

Jack Wilshere AFANYIWA UPASUAJI KWA USALAMA.

2011-09-27T15:00:00.000+03:00

Kiungo kutoka nchini Uingereza Jack Wilshere huenda ikamchukua muda wa miazi sita kurejea tena uwanjani, baada ya kufanyiwa upasuaji wa kifundo cha mguu kwa mafanikio makubwa hapo jana.

Jack Wilshere ambae bado hajacheza mchezo wowote wa ligi ya nchini Uingereza msimu huu anapewa nafasi ya kurejea uwanjani kwa kipindi hicho huku ikiaminiwa hatua hiyo itampa munkari wa kucheza kwa kujituma ipasavyo.

Kiungo huyo mwenye umri wa miaka 19, amesema ni hatua nzuri kwake kufanyiwa upasuaji kwa mafanikio makubwa na anaamini kila jambo lililo mbele yake litafanikiwa pia kutokana na kutarajia kurejea uwanjani akiwa katika mtazamo tofauti.

Amesema ni wakati mgumu sana kwake kwa hivi sasa kwani alitamani kurejea uwanjani kusaidiana na wengine kwa lengo la kuhakikisha klabu yao inafanya vizuri baada ya kuanza vibaya lakini bado akaendelea kubainisha kuwa anaamini waliosalia kikosini wataifanya kazi hiyo.

Hata hivyo amewashukuri mashabiki wake pamoja na wale wa klabu ya Arsenal kwa salamu za pole walizomtumia kupitia ukurasa wake wa mtandao wa kijamii wa Twiter, hatua ambayo ameichukulia kama sehemu ya kuwa pamoja na mashabiki hao katika kipindi hiki cha kujiuguza.

Jack Wilshere, aliumia kifundo cha mguu katika mchezo wa kuwania kombe la Emirates mwanzoni mwa msimu huu, na ilidhania huenda angerejea uwanjani mapema lakini mambo yalikwenda tofauti na kupelekea kufanyiwa upasuaji hapo jana.

Wakati huo kikosi cha Arsenal kesho kitashuka dimbani bila ya kuwa na wachezaji watatu ambao ni majeruhi.

Wachezaji hao ambao hawatokuwepo kikosini hiyo kesho ni Laurent Koscielny, Theo Walcott pamoja na Gervais Yao Kouassi Gervinho.

Laurent Koscielny anasumbuliwa na maumivu ya kifundo cha mguu, Gervinho anasumbuliwa na maumivu ya misuli huku Walcott akiendelea kuuguza maumivu ya goti aliyoyapata mwishoni mwa juma lililopita wakati wa mchezo wa ligi dhidi ya Bolton Wanderers.

Hata hivyo wachezaji hao wanapewa nafasi kubwa ya kucheza mchezo wa mwishoni mwa juma hili ambapo Arsenal watakuwa ugenini wakicheza na Tottenham Hotspur.

Kesho Arsenal watakuwa na mchezo wa ligi ya mabingwa barani ulaya dhidi ya Olympiacos kutoka nchini ugiriki.

Dimitar Ivanov Berbatov KUMALIZA UKAME WA MABAO LEO?

2011-09-27T14:57:00.001+03:00

Mshambuliaji kutoka nchini Bulgaria Dimitar Ivanov Berbatov ambae ana ukame wa kufunga mabao katika michuano ya ligi ya mabingwa barani Ulaya kwa muda wa miaka miwili sasa, huenda akapewa nafasi ya kuanza katika kikosi cha Man Utd kitakachokua nyumbani usiku huu kupambana na FC Basel kutoka nchini Uswiz.

Dimitar Berbatov anategemea kupewa nafasi hiyo kufuatia mapungufu yaliyojitokeza katika kikosi cha kwanza cha Man Utd ambacho hakitakuwa na washambuliaji wake wawili Wayne Rooney pamoja na Javier Hernandez ambao wote kwa pamoja ni majeruhi.

Sir Alex Ferguson akiwa katika mkutano na waandishi wa habari amesema mshambuliaji huyo ana nafasi kubwa ya kucheza usiku huu huku akiamini huenda akamaliza ukame wa mabao unaomkabili toka mwaka 2008 ambapo bao lake la mwisho alifunga katika mchezo dhidi ya Celtic ya nchini Scotland.

Sir Alex Ferguson pia akawaondoa hofu mashabiki wa Man Utd kwa kusema hatau ya kutomchezesha mshambuliaji huyo ni ya kawaida na wala isichukuliwe anamtumia kama mchezaji kiraka zaidi ya kutambua bado ni halali kwa Man utd.

Man Utd usiku huu wanaingia uwanjani huku wakiwa na uchu wa kutaka kurekebisha makosa yao yaliyojitokeza katika mchezo wa kwanza wa kundi la tatu ambapo walilazimisha sare ya bao moja kwa moja dhidi ya Sport Lisboa Benfica.

Kwa upande wa FC Basle wao wamesafiri hadi nchini Uingereza huku wakikumbuka furaha ya ushindi wa mabao mawili kwa moja walioupata katika mchezo wao wa kwanza wa kundi la tatu dhidi ya Otelul Galati uliochezwa nchini Uswiz majuma mawili yaliyopita.

Michezo mingine ya ligi ya mabingwa barani ulaya itakayochezwa usiku huu ni pamoja na:

Luzhniki, Moscow
CSKA Moscow v Internazionale

Stadio San Paolo, Naples
Napoli v Villarreal CF

Hüseyin Avni Aker, Trabzon
Trabzonspor v Lille

Stade Gerland, Lyon
Olympique Lyon v Dinamo Zagreb

Estadio Stantiago Bernabéu, Madrid
Real Madrid v Ajax

TAMBO KABLA YA GAME YA HII LEO.

2011-09-27T14:50:00.001+03:00

Ukimya uliotawala kwa upande wa mabingwa wa zamani wa barani humo FC Bayern Munich umeendelea kutoa nafasi kwa wapinzani Man City kuzungumzia mchezo wa usiku huu utakaopigwa huko Allianze Arena mjini Munich.

Man city wameendelea kuuzungumzia mchezo huo ambapo kwa hii leo mshambuliaji kutoka nchini Bosnia Edin Dzeko, ametoa tahadhari kubwa kwa kusema watahakikisha wanavunja mwiko wa Fc Bayern Munich wa kutokufungwa katika michezo tisa ya msimu huu ambayo wameshacheza mpaka hivi sasa.

Edin Dzeko, amesema rekodi hiyo ya Fc Bayen munich ni nzuri na inapendeza lakini wao wamedhamiria kuivunja kwa kuwafunga nyumbani hasa ikizingatiwa katika mchezo uliopita wa kundi la kwanza walipata matokeo ya sare dhidi ya Società Sportiva Calcio Napoli kutoka nchini Italia.
Amesema kwa sasa kikosi chao kipo vizuri kufuatia usajili uliofanywa mwanzoni mwa msimu huu ambao umewajumuisha wachezaji wengi wenye uzoefu wa kucheza michuano mikubwa kama ya ligi ya mabingwa barani Ulaya huku akigusia ujio wa Samir Nasri alietokea Arsenal pamoja na Sergio Aguero walitokea Athletico Madrid.

Katika hatua nyingine Dzeko akatetea maamuzi yake ya kuikacha Fc Bayern Munich ambayo ilionyesha nia ya kutaka kumsajili mwezi januari msimu uliopita na mwishowe alikubali kuelekea mjini Manchester.

Kama itakumbukwa vyema hapo jana kiungo kutoka nchini Hispania David Silva nae alitamba kwa kusema kikosi cha Man City kinaelekea Allianze Arena usiku huu kwa lengo moja tu, la kuvunja ukuta wa Fc Bayern Munich.

Wakati huo huo beki kutoka nchini Ujerumani Jerome Boateng amesema ana shauku kubwa ya kukutana na kikosi cha Man City usiku huu kwa minajili ya kutaka kuuthibitishia ulimwengu nini kilichompelekea kuondoka Etihad Stadium na kujiunga na Fc Bayern Munich mwishoni mwa msimu uliopita.

Amesema ni furaha kubwa sana kwake kukutana na klabu hiyo ambayo ilikubali kumuachia kwa paund million 13.5 baada ya kuitumikia kwa msimu mmoja ambao hakupendezwa nao kufuatia maamuzi ya Roberto Mancini kumchezesha nafasi ya beki wa pembeni ili hali yeye binafsi alihitaji kucheza katika nafasi ya beki wa kati kati.

MAN UTD KUWAKOSA WANANE KESHO.

2011-09-26T15:00:00.000+03:00

Kikosi cha Man Utd kesho kitakuwa nyumbani kikiendelea na michezo ya ligi ya mabingwa barani ulaya huku kikiwa na mapungufu ya kuwakosa wachezaji wanane wa kikosi cha kwanza ambao kwa sasa ni majeruhi.

Meneja wa klabu hiyo Sir Alex Ferguson amethibitisha kutokuwepo kwa wachezaji hao wanane ambapo amesema licha ya mapungufu hayo bado ana amini wana nafasi kubwa ya kuibuka na ushindi dhidi ya FC Basle kutoka nchini Uswiz.

Amesema miongoni mwa wachezaji hao majeruhi yupo mshambuliaji wake kutoka nchini Ungereza Wayne Rooney alieumia katika mchezo uliopita pamoja na Javier Hernandez Balcazer Chicharito ambae bado anasumbuliwa na maumivu ya ugoko aliyoyapata katika mchezo dhidi ya Chelsea majuma mawili yaliyopita.

Kutokuwepo kwa washambuliaji hao kunatoa nafasi kwa Sir Alex Ferguson kufanya chaguo la kuwatumia washambuliaji wawili kati ya Michael Owen, Dimitar Berbatov ama Danny Welbeck ambae kwa sasa amerejea katika hali yake ya kawaida.

Wachezaji wengine ambao hawatokuwepo kikosini hiyo kesho ni mabeki wa kati kama Jonny Evans (maumivu ya kifundo cha mguu), Chris Smalling (maumivu ya nyonga) pamoja na Nemanja Vidic (maumivu ya kiazi cha mguu).

Wengine ni viungo ambao ni Tom Cleverley pamoja na Darron Gibson.

TUPO TAYARI KUUANGUSHA UKUTA WA BAYERN MUNICH.

2011-09-26T14:59:00.000+03:00

Kiungo kutoka nchini Hispania David Silva amesisistiza jambo la kikosi cha Man City kwenda nchini Ujerumani kwa lengo la kuuangusha ukuta wa mabingwa wa zamani wa barani Ulaya FC Bayern Munich ambao kesho watakua nyumbani Allianze Arena katika mchezo wa kundi la kwanza la michuano ya ligi ya mabingwa barani humo.

David Silva ametoa msisistizo huo huku akifahamu fika mchezo wa kesho utakua na kila aina ya upinzani kutokana na mazingira ya vikosi vya pande hizo mbili kuhitaji ushindi kwa namna yoyote ile.

Amesema kikosi chao kipo vizuri na hana shaka na mipango ilitopandaliwa na meneja Roberto Mancini ya kuhakikisha wanapata ushindi wa kwanza katika michuano ya ligi ya ambingwa barani ulaya ambayo katika mchezo wa kwanza ilishuhudia wakilazimishwa sare ya bao moja kwa moja dhidi ya Società Sportiva Calcio Napoli, huko Etihad Stadium majuma mawili yaliyopita.

Amesema hakuna asietambua ugumu wa Bayern Munich wanapokua katika michuano ya nyumbani kwao Ujerumani pamoja na muchuano ya nje ya nchini humo hivyo watakwenda wakilijua hilo lakini bado mipango ya ushindi itaendelea kuwepo kama ilivyopangwa.

Bayern Munich hiyo kesho wataingia uwanjani huku wakiwa na mpangilio mzuri wa kucheza kwa dakika 838 bila kufungwa huku wakichagizwa na uwepo wa wachezaji kama Jerome Boateng pamoja na Daniel van Buyten ambao wamewahi kuitumikia Man City.

Kwa upande wa Man city wao mpaka hivi sasa wameshaingia uwanjani mara sita toka msimu huu ulipoanza na bado hawajapoteza mchezo hata mmoja hali ambayo inaendelea kudhihirisha wazi kwamba mpambano huo wa kesho utakua na kila sababu za upinzani.

Mchezo mwingine katika kundi hilo la kwanza ambao utachezwa kesho ni kati ya Società Sportiva Calcio Napoli dhidi ya Villareal.

KUISAIDIA ARSENAL KWANZA MAMBO MENGINE BAADAE.

2011-09-26T14:57:00.000+03:00

Mshambuliaji kutoka nchini Uholanzi na klabu ya Arsenal Robin van Persie amesema hana pupa ya kutaka kusaini mkataba mpya na klabu hiyo na badala yake anafikiria ni vipi atakavyoweza kuisaidia The Gunnes kufikia malengo yake msimu huu.

Robin van Persie ambae alifunga bao la 100 katika mchezo wa mwishoni mwa juma lililopita dhidi ya Bolton Wanderers amesema suala la kusaini mkataba mpya kwa sasa halipi umuhimu mkubwa kutokana na muonekano wa kikosi chao ambacho kimeanza vibaya msimu huu lakini kwa sasa kinaonyesha muelekeo mzuri.

Amesema yapo mengi ya kufanya huko Emirates na suala la kuanza mazungumzo ya kusaini mkataba mpya litafuata na katu hawezi kuyapa nafasi masuala hayo mawili kwa wakati mmoja.

Tayari mshambuliaji huyo mwenye umri wa miaka 28 ameshaanza kuhusishwa na taarifa za kuwa mbioni kuikacha Arsenal pindi mkataba wake utakapofikai kikomo huku ikisemekana hatua hiyo huenda ikajitokeza kufuatia kuchukizwa na maamuzi ya kuondoka kwa Cesc Fabregas pamoja na Samir Nasri, walioihama Arsenal mwanzoni mwa msimu huu.

Katika hatua nyingine meneja wa Arsenal Arsene Wenger amekaririwa na vyombo vya habari akitoa kauli kama ya Robin Van Parsie ambapo amesema hakuna haraka ya kuanza mazungumzo ya kumtaka mshambuliaji huyo kusiani mkataba mpya.

Amesema malengo yake kwa sasa ni kuhakikisha wanakaa sawa katika uwiyano wa kupata ushindi kwenye michezo inayowakabili na kisha masuala mengine ya yatafuata huku akiahidi kulitimiza jukumu la mkataba wa Van Parsie kadri awezavyo.

Mkataba wa Robin Van Parsie unatarajia kufikia kikomo mwishoni mwa msimu ujao, hatua ambayo huenda ikampa nafasi ya kuanza kunyemelewa na klabu nyingine za ndani na nje ya nchini Uingereza.

VITUO VYA TELEVISHENI VINAHUSUDIWA KAMA MUNGU.

2011-09-26T14:55:00.000+03:00

Majuma kadhaa baada ya kurejesha mahusino na shirika la utangazaji la nchini Uingereza BBC, meneja wa mabingwa wa soka nchini humo Man utd Sir Alex Ferguson amepasua ukweli kwa kusema vituo vya televisheni vinavyoonyesha soka barani Ulaya vimepewa udhibiti mkubwa kupita kiasi.

Sir Alex Ferguson ambae alikorofishana na shirika hilo la utangazaji la nchini Uingereza toka mwaka 2004, kufuatia taarifa za kashfa zilizotolewa dhidi ya mwanae wa kiume amepasua ukweli huo alipofanyiwa mahojiano na BBC ambapo amesema kutokana na muonekano wa udhibiti huo vilabu vimepoteza udhibiti wa ratiba, hali inayoathiri timu zinazocheza soka barani Ulaya.

Mzee huyo kutoka nchini Scotland amesema wahusika wa michuano mbali mbali barani ulaya, wamekua wakiviyhusudu sana vituo vya televisheni hatua ambayo inamfanya kuifananisha hali hiyo kama wanaadamu wanavyomuhusudu mwenyezi mungu.

Hata hivyo amedai kwamba, vilabu vya soka barani ulaya vinastahili kuamka na kushikamana kwa pamoja, kwa lengo la kudai haki ya kulipwa zaidi kutokana na mapato yanayotokana na kuonyeshwa kwa michezo inayowahusu.

Akitolea mfano kupitia ligi kuu ya soka nchini Uingereza, Sir Alex Ferguson amesema wasimamizi wa ligi hiyo tayari wameshauza haki ya kuonyesha michezo husika karibu katika nchi 200 duniani kote.

Amesema licha ya suala hilo kufahamika bado hawapewi fedha inayokidhi mipango iliyowekwa na wahusika wa ligi, kama wanavyotarajia wao.

Kama itakumbukwa vyema nchini Hispania, ligi ya nchini humo ilichelewa kuanza msimu huu, kufuatia mvutano ulioibuka kati ya vilabu na wasimamizi wa ligi hiyo, ambapo kubwa lilikua ni ulipwaji wa haki zinazotokana na kuonyeshwa kwa michezo kupitia televisheni.

Armand Traore NDANI YA KADHIA NZITO.

2011-09-26T14:50:00.001+03:00

Meneja wa Queens Park Rangers Neil Warnock amemlaumu beki wa pembeni wa klabu hiyo Armand Traore kufuatia adhabu ya kadi nyekundu aliyopewa katika mchezo wa jana ambao uliwakutanisha na Aston villa huko Loftus road.

Neil Warnock amemlaumu beki huyoa liemsajili akitokea arsenal ya jijini London kwa kusema hakustahili kufanya kosa la kumchezea rafu Marc Albrighton wa Aston Villa, katika dakika za mwisho za mchezo huo na kupelekea kuonyeshwa kadi ya pili ya njano ambayo ilizaa kadi nyekundu.

Amesema licha ya umoja wa wachezaji waliosalia uwanjani kusaidia na kusawazisha bao na kufanya matokeo kuwa bao moja kwa moja, bado anafikiria kumtoza faini Armand Traore ili iwe fundisho kwake na kwa wachezaji wengine ambao wanastahili kujua umuhimu wao pele timu inapokua inahitaji ushindi.

Hata hivyo picha za televisheni zimeonyesha kwamba Armand Traore alikua na lengo la kutaka kumiliki mpira lakini kwa bahati mbaya alijikuta akishindwa kutimiza malengo hayo na kumchezea rafu Marc Albrighton.

Kwa mantiki hiyo sasa beki huyo kutoka nchini Ufaransa atakosa mchezo ujao wa ligi kuu ya soka nchini Uingereza ambapo QPR watakua wageni wa Fulham huko Craven Cottege mwishoni mwa juma hili.

ARSENAL YANG'ARA NYUMBANI DHIDI YA BOLTON.

2011-09-26T14:44:00.000+03:00

Emirates Stadium, London
Arsenal 3 - 0 Bolton Wanderers

Michezo mingine ya ligi ya Uingereza iliyochezwa Sept 24,25 na 26

(Sept 24)

Etihad Stadium
Manchester City 2 - 0 Everton ,
St. James' Park , Newcastle

Newcastle United 3 - 1 Blackburn Rovers
DW Stadium, Wigan

Wigan Athletic 1 - 2 Tottenham Hotspur

Anfield, Liverpool
Liverpool 2 - 1 Wolverhampton Wanderers

Stamford Bridge, London
Chelsea 4 - 1 Swansea City

The Hawthorns, West Bromwich
West Bromwich Albion 0 - 0 Fulham

Britannia Stadium, Stoke-on-Trent
Stoke City 1 - 1 Manchester United

(Sept 25)
Loftus Road, London
Queens Park Rangers 1 - 1 Aston Villa

(Sept 26)
Carrow Road, Norwich
Norwich City 2 - 1 Sunderland

King Kenny Dalglish ATOA MSIMAMO WA LIVERPOOL.

2011-09-23T14:38:00.000+03:00

Meneja wa majogoo wa jiji Liverpool King Kenny Dalglish amesema hakuna mchezaji kati ya wachezaji walio chini yake ambae ana mamlaka zaidi ya klabu hiyo yenye historia ya kipekee katika soka la nchini uingereza na barani ulaya kwa ujumla.

King Kenny Dalglish ametoa msimamo huo baada ya kuchukizwa na kitendo cha mshambuliaji ghali aliesajiliwa na klabu hiyo akitokea Newcastle Utd mwanzoni mwa mwaka huu Andy Carroll cha kuondoka katika benchi katika mchezo wa hatua ya tatu ya kombe la ligi dhidi ya Brighton and Hove Albion uliochezwa usiku wa kuamkia jana.

Amesema kitendo cha mshambuliaji huyo hakukipenda na anadhani kilitokana na hatua ya kuchukizwa na mpango wa kutokujumuishwa kikosini hali ambayo amesema inastahili kuzoewa na kila mmoja kwani yeye kama meneja ana mamlaka ya kumuamuru nani akacheze uwanjani tena na katika mchezo gani.

Hata hivyo meneja huyo hakueleza ni adhabu gani itamuangukia mshambuliaji huyo aliesajiliwa na Liverpool kwa ada ya uhamisho wa paund million 35.

Katika hatua nyingine King Kenny Dalglish amesema kurejea kwa kiungo na nahodha wa kikosi chake Steven Gerrard amekuchukulia kama sehemu ya kufunguliwa kwa ukurasa mwingine klabuni hapo hasa ikizingatiwa tayari wameshapoteza michezo miwili ya ligi.

Amesema uwepo wa kiungo huyo kikosini utaleta taswira tofauti kwa wachezaji wengine kutokana na hasama ambayo amekua akiitoa pale mambo yanapokwenda tofauti na matarajio yao.

Pia Dalglish akasifia uwezo wa kiungo mshambuliaji kutoka nchini Wales Craig Bellamy, ambae usiku wa kuamikia jana alifanikiwa kufunga bao lake la kwanza baada ya kusajiliwa kwa mara nyingine klabuni hapo akitokea Man City.

Liverpool kesho watakua nyumbani katika uwanja wa Anfiled wakiwakaribisha Wolves Hampton wanderers katika muendelezo wa michezo ya ligi kuu ambayo pia itashuhudia michezo mingine ikirindima katika viwanja vingine tofauti ambapo:

Etihad Stadium, Manchester
Manchester City v Everton

St. James' Park, Newcastle
Newcastle United v Blackburn Rovers

DW Stadium, Wigan
Wigan Athletic v Tottenham Hotspur

Anfield, Liverpool
Liverpool v Wolverhampton Wanderers

Stamford Bridge, London
Chelsea v Swansea City

Emirates Stadium, London
Arsenal v Bolton Wanderers

The Hawthorns, West Bromwich
West Bromwich Albion v Fulham

Britannia Stadium, Stoke-on-Trent
Stoke City v Manchester United

Owen Coyle AITABIRIA MEMA ARSENAL.

2011-09-23T14:36:00.000+03:00

Katika harakati za kuelekea mchezo wa kesho kati ya washika bunduki wa Ashburton Grove Arsenal dhidi ya Bolton Wanderers, Owen Coyle ameitabiria mema The Gunnes kwa kusema anaamini klabu hiyo itamaliza katika nafasi nne za juu licha ya kuanza vibaya msimu huu wa ligi kwa kupoteza michezo mitatu, kupata ushindi mmoja na kutoka sare mara mopja.

Owen Coyle ambae ni meneja wa Bolton Wandereres amesema Arsenal bado ni klabu kubwa na yenye kila sababu ya kutimiza malengo hayo na mpaka sasa hajashangazwa na juhudi zinazofanya na meneja Arsene Wenger kuhakikisha mipango ya kurejea katika makali inakamilika.

Amesema mashabiki wengi wa soka ulimwenguni kwa sasa wanaizungumza vibaya klabu hiyo kutokana na mazingira yaliopo, lakini ukweli ni kwamba bado kuna mtazamo tofauti anaouona wa The Gunners kumaliza katika nafasi nne za juu katika msimamo wa ligi.

Akizungumzia mpambano wa hapo kesho ambapo Bolton Wanderers watasafiri hadi jijini London kucheza na Arsenal, Owen Coyle amesema amekiandaa vyema kikosi chake na anaamini kutokana na maandalizi hayo kutakuwepo na upinzani mkubwa.

Bolton Wanderers wanaelekea jijini London huku wakiwa na kumbu kumbu ya kupoteza mchezo wao wa ligi uliopita ambapo walikubali kufungwa nyumbani dhidi ya Norwich city walioibuka na ushindi wa mabao mawili kwa moja.

Arsenal nao wataingia uwanjani hiyo kesho huku wakikumbuka kichapo cha mabao manne kwa matatu walichokipokea kutoka kwa Balckburn Rovers mwishoni mwa juma lililopita huko Ewood Park.

Katika historia Arsenal walipoteza mchezo wao wa kwanza dhidi ya Bolton Wanderers wakiwa nyumbani mwaka 1962, na toka walipohamia katika uwanja wa Emirates hawajawahi kupoteza point dhidi ya The Trotters.

Owen Hargreaves AISEMEA MBOVU MAN UTD.

2011-09-23T14:32:00.000+03:00

Jopo la madaktari la klabu bingwa nchini Uingereza Man utd, limelaumiwa na aliekua kiungo wa klabu hiyo Owen Hargreaves ambae kwa sasa anaitumikia klabu ya Man City iliyomsajili akiwa kama mchezaji huru mwezi August mwaka huu.

Owen Hargreaves ametoa lawama hizo kwa jopo la madaktari la Man Utd kwa kusema alipatiwa matibabu ya goti kwa kipindi kirefu bila kupona huku akiambulia maumivu makali ya sindano kila kukicha.

Amesema lengo lake lilikua ni kuhitaji kupona lakini alichomwa sindano kama nguruwe mwitu, hatua ambayo ilikua haimfurahishi hata kidogo kutokana na mafanikio ya kupona majeraha ya goti kutokuonekana kama ilivyokua inatarajiwa.

Kiungo huyo mwenye umri wa miaka 30 ameendelea kutanabai kwamba licha ya kupatiwa matibabu hayo kwa kipindi kirefu bado alishangazwa na maamuzi ya kuachwa kwake licha ya kuuomba uongozi kuendelea kuwepo huko Old Trafford kwa kuitumikia Man utd kwa mkataba wa kutokulipwa kama ilivyo kwa wachezaji wengine.

Hata hivyo kauli hiyo ya Owen Hargreaves, imejibiwa na meneja wa Man Utd Sir Alex Ferguson alipokua katika mkutano na waandishi wa habari mapema hii leo ambapo amesema jopo la madaktari wa klabu hiyo linastahili kusifiwa kwa kazi nzuri waliyoifanya kwa kiungo huyo.

Sir Alex Ferguson amesema kiungo huyo ana haki ya kuzungumza lolote lakini bado anatambua ukweli upo moyoni mwake.

Nae meneja wa Man City Roberto Mancini amesema kurejea uwanjani kwa kiungo huyo mwenye umri wa miaka 31 ni sehemu nzuri ya kuanza upya maisha yake ya soka na hatopendezwa na kitendo cha kuzungumzwa na masuala yake yaliyopita zaidi ya kutazama mustakabali wake wa mbele.

Amesema kiungo huyo alipokelewa vyema huko Etihad Stadium na aliendelea kutazamwa kutokana na afya yake na kwa sasa wanafarijika kwa kumuona tena uwanjani baada ya kuumia mara kwa mara akiwa na Man Utd.

TIMU YA TAIFA YA IRAQ YAPIGWA MARUFUKU.

2011-09-23T14:28:00.001+03:00

Shirikisho la soka ulimwenguni kote FIFA limeifungia timu ya taifa ya Iraq kucheza michezo yake katika uwanja wa nyumbani kwa sababu za kiusalama.

Taarifa iliyothitishwa na uongozi wa chama cha soka nchini Iraq imeeleza kwamba FIFA wameazimia kuifungia timu hiyo kucheza katika uwanja wake wa nyumbani kutokana na msongamano wa mashabiki ulionekana katika mchezo wa kuwania nafasi ya kucheza fainali za kombe la dunia za mwaka 2014 dhidi ya Jordan ambapo wenyeji walikubali kisago cha mabao mawili kwa moja.

Raisi wa chama cha soka nchini Iraq Najih Hmoud amesema wameipokea taarifa hiyo kwa masikitiko makubwa na katu hawawezi kupinga maamuzi yaliyotolewa dhidi yao zaidi ya kuushauri uongozi wa shirikisho la soka Ulimwenguni FIFA kufikiria upya maamuzi waliyoyatoa.

Amesema uwanja wa Franso Hariri uliopo katika mji wa Arbil ambao hutumiwa kama uwanja wa nyumbani wa timu ya taifa ya Iraq upo katika hali ya usalama na kiujumla mji husika upo katika hali ya kuridhisha mbali na miji mingine ambayo inahofiwa kuwa na fujo.

Mbali na timu ya taifa ya Iraq kufungiwa kucheza michezo wa kuwania nafasi ya kucheza fainali za kombe la dunia za mwaka 2014 katika ukanda wa barani Asia, pia timu hiyo imefungiwa kutoutumia uwanja huo katika michezo ya kuwania nafasi ya kucheza michezo ya Olympic ya mwaka 2012.

Kwa mantiki hiyo sasa michezo nyumbani itakayohusishwa timu ya taifa ya Iraq, itakuwa ikichezwa nje ya nchi hiyo.

Timu ya taifa ya Iraq ambayo ipo katika nafasi ya 109 katika viwango vya ubora wa soka duniani inakamata nafasi ya tatu kwenye msimamo wa kundi la kwanza ambalo linazijumuisha nchi za Jordan, China pamoja na Singapore na hii ni kwa upande wa kuwania kinyang’anyiro cha kucheza fainali za kombe la dunia za mwaka 2014.

Steven George Gerrard AREJEA UWANJANI BAADA YA MIEZI SITA.

2011-09-22T18:32:00.000+03:00

Nahodha na kiungo wa klabu ya Liverpool Steven George Gerrard jana alirejea kwa mara ya kwanza uwanjani baada ya kusubiri kwa muda wa miezi sita iliyopita kutokana na majeraha.

Steven Gerrard alirejea uwanjani akitumika kama mchezaji wa akiba katika mchezo wa kuwania kombe la ligi dhidi ya Brighton and Hove Albion waliokua nyumbani huko Amex Stadium.

Kiungo huyo mwenye umri wa miaka 31 alichukua nafasi ya mshambuliaji kutoka nchini Uruguay Luis Alberto Suarez Diaz katika dakika ya 75.

Kurejea kwake uwanjani amekiri kumefurahisha kwani alisubiri kwa muda mrefu ambao amesema hatua hiyo imemsaidia kutazama mengi yaliyokua yakifanyika kikosini hivyo ameahidi kufanya makubwa kwa ushirikiano uliopo chini ya meneja wa Liverpool King Kenny Daglish.

Matokeo ya michezo mingine iliyochezwa usiku wa kuamkia hii leo katika michuano ya kiwania kombe la ligi ni pamoja na:

Cardiff City Stadium, Cardiff
Cardiff City 2 – 2 (7-6) Leicester City

St. Mary's Stadium, Southampton
Southampton 2 - 1 Preston North End

Owen Hargreaves AREJEA UWANJANI KWA MAKEKE.

2011-09-22T18:31:00.000+03:00

Juhuzi zilizoonyeshwa na kiungo aliejiunga na Man City katika kipindi cha usajili kilichomalizika August 31 mwaka huu Owen Hargreaves katika mchezo wa kuwania kombe la ligi usiku wa kuamkia hii leo dhidi ya Birmingham City, zimemfanya Roberto Mancini kufanya utabiri wa kurejeshwa katika kikosi cha timu ya taifa ya Uingereza.

Roberto Mancini amesema aliamua kumpa nafasi kiungo huyo katika mchezo huo kwa makusudi kwa lengo la kuwaonyesha mashabiki wa soka ulimwenguini kote ni vipi Owen Hargreaves, alivyorejea katika ulimwengu wa soka baada ya kukaa nje kwa muda mrefu kutokana na sababu za kuwa majeruhi.

Amesema juhuzi binafsi pamoja na zile za ushirikiano wa kikosi cha Man city zitamfanya Owen Hargreaves, kurejeshwa katika timu ya taifa ya Uingereza, endapo mambo yatamuendea vizuri msimu huu, huku akiomba balaa la majeruhi limkalie mbali.

Owen Hargreaves alifunga bao la kwanza katika dakika ya 17 na bao la pili likapachikw akimiani na Super Mario Balotelli katika dakika ya 38.
Hata hivyo Owen Hargreaves alitolewa katika dakika ya 57 na nafasi yake kuchukuliwa na James Milner.

Amesema ni faraja kubwa sana kwake kurejea tena uwanjani na ulikua wakati mzuri wa kufanya vyema kutokana na ushauri aliokuwa akipewa na jopo la madaktari wa klabu ya Man City ambao toka alipojiunga klabuni hapo wamekua wakimfuatilia kwa umakini.

Petr Cech YUPO SALAMA.

2011-09-22T18:29:00.000+03:00

Hali ya kipa wa klabu ya Chelsea Petr Cech inaendelea vizuri baada ya kukimbizwa hospitali kufuatia kugongana na mshambuliaji wa Fulham Orlando Sa katika mpambano wa usiku wa kuamkia hii leo wa kuwani ubingwa wa kombe la ligi *Curling Cup*.

Meneja wa klabu ya Chelsea Andre Villas-Boas amesema kipa huyo mwenye umri wa miaka 29 yupo katika mikono salama tofauti na wengi walivyokua wanafikiri huenda alipata maumivu makali mara baada ya kutokea kwa mgongano kati ya Sa.

Amesema endapo hali yake itaendelea kuridhisha na pengine kupona kabisa, huenda akamchezesha katika mchezo wa mwishoni mwa juma hili ambapo Chelsea watarejea katika uwanja wa nyumbani Stamford Bridge kupambana na Swansea City.

Katika hatua nyingine Andre Villas-Boas amesifia uwezo wa wachezaji wake ulioonekana jana dhidi ya Fulham ambao walitupwa nje ya michuano ya kombe la ligi kwa changamoto ya mikwaju ya penati baada ya kwenda sare ya bila kufungana katika muda wa dakika 120.

Amesema kiujumla walicheza vizuri na mara kadhaa walionekana kuwakabili vilivyo Fulham lakini umakini na mbinu tofauti za klabu hiyo inayonolewa na Martin Jol, zilichangia kuwapa upinzani mkali na kufikia hatua ya kupigiana mikwaju ya penati.

Katika mchezo huo Fulham itawalazimu wajilaumu wenyewe baada ya Pajtim Kasami kukosa mkwaju wa penati ndani ya muda wa kawaida ambao uliwaacha Chelsea wakicheza pungufu baada ya beki kutoka nchini brazil Alex kuonyeshwa kadi nyekundu.

Claudio Ranieri MENEJA MPYA INTER MILAN.

2011-09-22T18:22:00.000+03:00

Aliekua meneja wa klabu ya Valencia, Chelsea pamoja na As Roma Claudio Ranieri ametangazwa kuwa mrithi wa kiti cha umeneja ndani ya klabu ya Inter Milan ya nchini Italia.
Claudio Ranieri ametajwa kuchukua nafasi hiyo baada ya uongozi wa Inter Milan kumtimua kazi Gian Piero Gasperini mara baada ya kushindwa kupata ushindi katika michezo mitatu ya mwanzoni mwa msimu huu huko nchini Italia pamoja na katika michuano ya ligi ya mabingwa barani ulaya dhidi ya Trabzonspor.

Claudio Ranieri amesema amekubalia kujiunga na klabu hiyo kutokana na ubora na uziri uliopo ndani ya kikosi cha The Nerazzurri hivyo anaamini atafikia malengo yaliyowekwa na uongozi waliomuamini na kumpa mkataba wa mwaka mmoja ambao utaboresha endapo atafikia malengo mwishoni mwa msimu huu.

Amesema mipango mikubwa klabuni hapo ni kuhakikisha suala la ushindi linapewa kipaumbele, na kisha mengine yanafuata hatua ambayo amekiri itapatikana kutokana na ushirikiano kati yake na wachezaji, viongozi pamoja na mashabiki ambao amewaomba kukishabikia kikosi chao popote kitakapokwenda.

Claudio Ranieri pia akamzungumzi meneja alietimuliwa kazi huko Guissepe Meazza Gian Piero Gasperini kwa kusema bado ni meneja mzuri na kuondoka kwake klabuni hapo hakumaanishi yeye ana uwezo kuliko wengine bali alichokiona kwa meneja huyo mwenye umri wa miaka 53 ni utambulisho wa mfumo mpya ambao ulishindwa kueleweka mapema kwa wachezaji wa Inter Milan.

Claudio Ranieri ambae kwa mara ya mwisho alikinoa kikosi cha AS Roma kabla ya kujiuzulu mwanzoni mwa mwaka huu, ataanza kazi ya kukinoa kikosi cha Inter Milan mwishoni mwa juma hili dhidi ya Bologna na kisha atawajibika katika kibarua cha pili katika mchezo wa ligi ya mabingwa barani ulaya dhidi ya CSKA Moscow watakaokua nyumbani huko nchini Urusi kati kati ya juma lijalo.

Cesc Fabregas AIOKOA FC BARCELONA.

2011-09-22T00:34:00.000+03:00

Bao lililofungwa na kiungo kutoka nchini humo Cesc Fabregas katika dakika ya 77, liliwaokoa mabingwa watetezi wa LA LIGA FC Barceloana kutopoteza mchezo wa kwanza wakiwa ugenini walipokua wakicheza na Valencia huko Stadio Mestella.

Cesc Fabregas alifunga bao hilo, baada ya fc Barcelona kuwa nyuma kwa idadi ya mabao mawili kwa moja ambapo wenyeji, Valencia walitangulia kupata bao la kuongoza katika dakika ya 12 baada ya beki kutoka nchini Ufaransa Eric Abidal kujifunga mwenyewe na dakika mbili baadae Barca walisawazisha kupitia kwa Pedro Rodríguez.

Katika dakika ya Valencia walijipatia bao la o la pili kupitia kwa Pablo Daniel Piatt baada ya kumiliki mpira kwa muda mrefu hali ambayo iliwachanganya Barcelona.

Matokeo ya michezo mingine iliyochezwa jana ni katika ligio ya nchini Hispania pamoja na:

Estadio La Rosaleda, Málaga
Málaga CF 1 - 0 Athletic Bilbao

Estadio Vicente Calderón, Madrid
Atlético Madrid 4 - 0 Sporting Gijón

Vallecas, Madrid
Rayo Vallecano 1 - 2 Levante UD

El Sardinero, Santander
Racing Santander 0 - 0 Real Madrid

Kwa matokeo hayo sasa Valencia wanaendelea kubaki kileleni mwa ligi ya nchini Hispania wakiwa na point 10, wakifuatiwa na Malaga wenye point 9, nafasi ya tat inakamatwa na Real Betis.

Barcelona anafuatia kwa kufikisha point 8 huku real Madrid wakikamata nafasi ya saba kwa kumiliki point 7.

Hii leo ligi hiyo inaendelea tena kwa michezo miwili ambapo:

Estadio Cornellá-El Prat, Cornellà deLlobregat
RCD Espanyol v Getafe CF

Estadio Benito Villamarin, Seville
Real Betis v Real Zaragoza

CHELSEA CHUPU CHUPU !!!!

2011-09-22T00:14:00.000+03:00

Stamford Bridge, London
Chelsea 0 - 0(4-3) Fulham

Matokeo ya michezo mingine iliyochezwa usiku huu katika michuano ya kiwania kombe la ligi ni pamoja na:

Brighton and Hove Albion 1 - 2 Liverpool Amex Stadium, Brighton

Cardiff City Stadium, Cardiff
Cardiff City 2 - 2(7-6) Leicester City

Etihad Stadium, Manchester
Manchester City 2 - 0 Birmingham City

St. Mary's Stadium, Southampton
Southampton 2 - 1 Preston North End

Goodison Park, Liverpool
Everton 2 - 1 West Bromwich Albion

HISPANIA WAREJEA KILELENI.

2011-09-21T15:10:00.001+03:00

Mwezi mmoja baada ya kushuka katika viwango vya ubora wa soka duniani na kukamata nafasi ya pili, mabingwa wa dunia pamoja na barani Ulaya Hispania, wamerejea katika nafasi ya kwanza kwenye orodha ya viwango hivyo ambayo ilikua ikiongozwa na washindi wa pili katika fainali za kombe la dunia Uholanzi.

Uholanzi na Hispania wamepishana katika nafasi hizo, kufuatia vigezo tofauti kutumiwa na shirikisho la soka ulimwenguni kote FIFA baada ya kuonekana mataifa hayo mawili yaliibuka na ushindi katika michezo ya kuwania nafasi ya kucheza fainali za mataifa ya barani Ulaya za mwaka 2012 iliyochezwa mwanzoni mwa mwezi huu.

Kigezo kilichotumika katika uwiyano wa kuzipishanisha nchi hizo katika viwango vya ubora duniani ni fainali za kombe la dunia za mwaka 2010 pamoja na fainali za mataifa ya Ulaya za mwaka 2008, ambapo Hispania imeonekana kuwa na sababu ya kurejea kileleni kutokana na matokeo mazuri waliyoyapata katika michuano hiyo.

Kwa kigezo hicho kilichotumika, nchi ya Uingereza ambayo ilijipatia ushindi katika michezo miwili ya kuwania nafasi ya kucheza fainali za mataifa ya Ulaya dhidi ya Bulgaria pamoja na Wales mwanzoni mwa mwezi huu imeporomoka kutoka katika nafasi ya nne hadi katika nafasi ya nane, baada ya kukosa nafasi ya kushiriki fainali za mataifa ya barani Ulaya za mwaka 2008.

Nchi ya Ujerumani imeendelea kukamata nafasi ya tatu, huku mabingwa wa soka wa ukanda wa Amerika ya kusini Uruguay wakipanda kwa nafasi moja kutoka nafasi ya tano hadi ya nne na nchi ya Ureno imepanda kwa nafasi tatu kutoka katika nafasi ya nane hadi ya tano.

Katika hatua nyingine nchi zilizopo kwenye 50 bora ambazo zimeonyesha kupanda kwa kiasi kikubwa ni Uswiz ambayo imepanda kwa nafasi 12 ambapo imetoka katika nafasi ya 36 hadi nafasi ya 18, Bosnia-Herzegovina imepanda kwa nafasi 17 ambapo imetoka katika nafasi ya 39 hadi nafasi ya 22, Hungary imepanda kwa nafasi 18 ambapo imetoka katika nafasi ya 45 hadi nafasi ya 27 na nchi ya Armenia imeingi katika kundi hili baada ya kupanda nafasi 27 ikitoka katika nafasi ya 71 na sasa inakamata nafasi ya 44.

Kumi bora ya viwango vya ubora wa soka ulimwenguni vilivyotolewa hii leo inaonekana kwamba:

1 from 2. Spain 1605 points

2 from 1. Holland 1571pts

3. Germany 1290

4 from 5. Uruguay 1184

5 from 8. Portugal 1158

6 from 7. Italy 1142

7 from 6. Brazil 1132

8 from 4. England 1089

9 from 10. Croatia 1057

10 from 9. Argentina 1024.

Gian Piero Gasperini AONYESHWA MLANGO WA KUTOKEA.

2011-09-21T15:09:00.000+03:00

Klabu bingwa duniani Inter Milan imekua klabu ya kwanza katika ligi ya nchini Italia kumtimua meneja wake baada ya mambo kuwaendea kombo toka mwanzoni mwa msimu huu.

Inter Milan wametangaza kumtimua kazi Gian Piero Gasperini ikiwa ni siku moja baada ya matokeo ya kusikitisha ya mabao matatu kwa moja yalioyowaacha mabingwa hao wa dunia mikoni mitupu huku point tatu muhimu zikielekea kwa wapinzani wao Novara.

Taarifa za kutimuliwa kazi kwa meneja huyo kutoka nchini Italia ambae kabla ya kujiunga na Inter Milan alikua akiitumikia klabu ya Genoa, zilithibitishwa mapema hii leo asubuhi kabla ya kuanza kwa mazoezi ambayo yaliongozwa na mameneja wasaidizi Daniele Bernazzani pamoja na Giuseppe Baresi.

Mara baada ya mchezo wa jana usiku, raisi wa klabu ya Inter Milan Massimo Morati alinukuliwa na vyombo vya habari akisema Gian Piero Gasperini ameshindwa kukiweka sawa kikosi chake na anaamini huenda timu imemshinda uwezo.

Hata hivyo alipohojiwa meneja huyo alisema bado ana matumaini ya kufanya vizuri kutokana maelewano mazuri yaliopo kati yake ya wachezaji wote kikosini ambao mpaka usiku wa kuamki hii leo walikua wameshapoteza michezo mitatu ya ligi pamoja na mchezo mmoja wa ligi ya mabingwa barani Ulaya dhidi ya Trabzonspor kutoka nchini Uturuki.

Mpaka sasa bado haijathibitishwa ni meneja yupi atakaemrithi Gian Piero Gasperini, huku kikosi cha Inter Milan kikiendelea na maandalizi ya mchezo wa mwishoni mwa juma hili katika michuano ya ligi ya nchini Italia dhidi ya Bologna na kisha mchezo wa ligi ya mabingwa barani Ulaya dhidi ya CSKA Moscow utakaochezwa nchini Urusi kati kati ya juma lijlo.

ARSENE WENGER AWAPIGA VIJEMBE WABAYA WAKE.

2011-09-21T15:08:00.001+03:00

Baada ya ushindi wa mabao matatu kwa moja uliopatikana usiku wa kuamkia hii leo na kuifanya Arsenal kujipatia ushindi wake wa pili toka ulipoanza msimu huu wa ligi, meneja wa klabu hiyo Arsene Wenger amesema hana budi kukubaliana na yoyote anaempinga kwa sasa.

Arsene Wenger amesema anakubaliana na hali hiyo kutokana na mazingira yanayomzunguuka lakini ukweli bado anautambua yeye mwenyewe baada ya kuanza kuonekana kwa mafanikio ya kutinga katika hatua ya nne ya kombe la ligi.

Amesema wapo wengi waliotaka afukuzwe klabuni hapo kwa matokeo yaliyopatikana toka mwanzoni mwa msimu huu, lakini msimamo wa uongozi uliotolewa jana kupitia kwa mtendaji mkuu Ivan Gazidis umedhihirisha ni vipi bado anahitajika huko Emirates.

Katika mchezo wa jana wa hatua ya tatu ya kombe la ligi *Curling Cup* Arsenal walipata ushindi wa mabao matatu kwa moja baada ya kutanguliwa na wapinzani wao wanaocheza ligi daraja la pili Shrewsbury Town ambao walipata bao la kuongoza kupitia kwa James Collins katika dakika ya 16.

Arsenal walisawazisha bao hilo kupitia kwa beki wa pembeni Kieran Gibbs kabla ya Alex Oxlade-Chamberlain pamoja na Yossi Benayoun hawajaongezabao la pili na la tatu.

Kufuatia hatua hiyo Arsene Wenger amesema anaamini ushindi walioupata utawasaidia kurejea katika njia sahihi baada ya kupoteza mchezo uliopita dhidi ya Blackburn Rovers kwa idadi ya mabao manne kwa matatu huku mchezo ujao ukitarajia kuwakutanisha na Bolton Wanderers siku ya jumamosi.

Arsene Wenger pia akasifia uwezo mkubwa ulionyeshwa na Alex Oxlade-Chamberlain.

MICHAEL OWEN MOTO MKUBWA !!!.

2011-09-21T15:06:00.000+03:00

Mabao mawili kati ya matatu yaliyofungwa na mshambuliaji kutoka nchini Ungereza Michael Owen dhidi ya Leeds Utd huko Elland Road, yamemlazimu meneja wa Man utd Sir Alex Ferguson kumpa tano mshambuliaji huyo kwa kazi kubwa aliyoifanya.

Sir Alex Ferguson amesema mshambuliaji huyo mwenye umri wa miaka 31 bado ana uwezo mkubwa anapokua uwanjani mbali na wengi walivyokua wakimfikiria kabla ya mpambano wa jana wa kuwania kombe la ligi.

Amesema Michael Owen kwa sasa hana tofauti na mshambuliaji wake kutoka nchini Mexico Javier Hernández Balcázar Chicharito, Wayne Rooney pamoja na Dimitar Ivanov Berbatov ambae anatokea nchini Bulgaria.

Bao la tatu katika mchezo huo lilifungwa na mkongwe Ryan Giggs katika dakika ya 43 huku bao la kwanza la pili yakifungwa katika dakika ya 15 na 32.

Matokeo ya michezo mingine ya hatua ya tatu ya michuano hiyo ya kombe la ligi ni pamoja na:

Recreation Ground.
Aldershot Town 2 - 1 Rochdale

Villa Park.
Aston Villa 0 - 2 Bolton Wanderers

Turf Moor.
Burnley 2 - 1 Milton Keynes Dons FC

City Ground.
Nottingham Forest 3 - 4 Newcastle United

Britannia Stadium.
Stoke City 0 – 0 (7-6) Tottenham Hotspur

Molineux.
Wolverhampton Wanderers 5 - 0 Millwall

Ewood Park.
Blackburn Rovers 3 - 2 Leyton Orient

Crystal Palace 2 - 1 Middlesbrough
Selhurst Park.

Andre Villas-Boas AKIRI KUAGIZWA NA BOSI WAKE.

2011-09-21T15:01:00.001+03:00

Mmiliki wa klabu ya Chelsea Roman Abramovich amemtaka meneja wake Andre Villas-Boas kuitumia michuano ya kombe la ligi kama sehemu ya kuwaendeleza vijana wa klabu hiyo.

Akithibitisha agizo hilo alipokutana na waandishi wa habari meneja huyo mwenye umri wa miaka 33 amesema Roman Abramovich amesema atafurahishwa mno endapo ataiona klabu yake inakuza na kuwaendelea vijana watakaokua watetezi wazuri wa The Blues siku za usoni.

Amesema agizo hilo limekuja, kufuatia mafanikio makubwa yaliyoonekana katika klabu jirani ya Arsenal chini ya utawala wa Arsene Wenger ambayo kwa kipindi kirefu imekua ikiwatumia wachezaji wenye umri mdogo katika michuano ya komba la ligi.

Andre Villas-Boas amesema kwa mantiki hiyo katika mchezo wa hii leo dhidi ya Fulahm anatarajia kuwatumia wachezaji kama Romelu Lukaku na Josh (Macksharan )McEachran wenye umri wa miaka 18, Oriol Romeu mwenye umri wa miaka 19, Ryan Bertrand mwenye umri wa miaka 22 pamoja na Nathaniel Chalobah mwenye umri wa miaka 16.

Amesema siku za nyuma Chelsea ilikua ikutumia mfumo huo kwa kuwachezesha wachezaji wenye umri mdogo katika michuano ya kombe la ligi, lakini ujio wa Jose Mourinho ulifuta mfumo huo na kuanza kuwatumia wachezaji wenye umri mkubwa tena wanaocheza katika kikosi cha kwanza kutokana na mahitaji ya klabu yalikua yakilenga kutwaa ubingwa wa kwanza ambao ulikua wa Curling Cup.

Amesema melengo yao kwa sasa ni kutwaa vikombe vyote vya michuano wanayoshiriki hivyo anahitaji kila mchezaji kushirikishwa katika mtiririko huo.

Michezo mingine ya hatua ya tatu ya kombe la ligi itakayochezwa usiku huu ni pamoja na:

Amex Stadium,
Brighton and Hove Albion v Liverpool

Cardiff City Stadium,
Cardiff City v Leicester City

Etihad Stadium,
Manchester City v Birmingham City

St. Mary's Stadium,
Southampton v Preston North End

Goodison Park,
Everton v West Bromwich Albion

Tottenham Hotspur YATUPWA NJE Carling Cup.

2011-09-20T23:59:00.002+03:00

Britannia Stadium.

Stoke City 0 – 0Tottenham Hotspur (KWA PENATI 7-6)

MATOKEO YA MICHEZO MINGINE ILIYOCHEZWA USIKU HUU NI PAMOJA NA:

Recreation Ground.
Aldershot Town 2 - 1 Rochdale

Villa Park.
Aston Villa 0 - 2 Bolton Wanderers

Turf Moor.
Burnley 2 - 1 Milton Keynes Dons FC

City Ground.
Nottingham Forest 3 - 4 Newcastle United

Molineux.
Wolverhampton Wanderers 5 - 0 Millwall

Ewood Park.
Blackburn Rovers 3 - 2 Leyton Orient

Selhurst Park.
Crystal Palace 2 - 1 Middlesbrough

Emirates Stadium
Arsenal 3 - 1 Shrewsbury Town

Alberto Gilardino NJE WIKI SITA.

2011-09-20T17:28:00.000+03:00

Mshambuliaji kutoka nchini humo pamoja na klabu ya Fiorentina Alberto Gilardino atakuwa nje ya uwanja kwa muda wa majuma sita yajayo kufuatia maumivu ya goti la kushoto yanayomkabili.

Mshambuliaji huyo alipatwa na maumivu hayo makali mwishoni juma lililopita baada ya kugongana na kipa wa klabu ya Udinese Samir Handanovic akiwa katika purukushani za kutaka kufunga.

Hata hivyo uongozi wa klabu ya Fiorentina umedai kwamba huenda Alberto Gilardino akawahi kurejea uwanjani kutokana na matibabu atakayopatiwa na daktari mkuu wa klabu hiyo ambae pia amewathibitishia kuwepo kwa uwezekano huo.

Katika mchezo huo wa ligi ya Sirie A, Fiorentina walikubali kisago cha mabao mawili kwa sifuri dhidi ya Udanise.

MANCINI KUMSAJILI DANIELE DE ROSI MWEZI JANUARI?

2011-09-20T17:25:00.000+03:00

Meneja Man city Roberto Mancini bado ana dhamira ya kutaka kumsajili kiungo kutoka nchini Italia na klabu ya AS Roma Daniele De Rossi ambae tayari ada yake ya uhamisho imeshatangazwa hadharani kuwa ni paund million 8.

Roberto Mancini ameendelea kuonyesha dhamira hiyo kutokana na kukiri kwamba kikosi chake kinahitaji kuongezewa nguvu kutokana na muonekano wa kilivyo sasa hali ambvayo anaamini ilipelekea matokeo ya sare ya mabao mawili kwa mawili dhidi ya Fulham mwishoni mwa juma lililopita.

Katika kipindi cha usajili kilichofikia kikomo usiku wa kuamkia Septemba mosi, meneja huyo alitamani kumsajili Daniele De Rossi lakini sheria za ligi kuu ya soka nchini Uingereza za kutaka wachezaji watano kutoka nje ya nchi hiyo zilimbana na mwishowe alilazimika kumsajili Owen Hargreaves aliekua mchezaji huru akitokea Man utd.

Hata hivyo tayari baadhi ya vyombo vya habari nchini italia vimeripoti kwamba Daniele De Rossi huenda akajiunga na Man city mwezi Januari baada ya kugoma kusaini mkataba mpya na klabu hiyo huku mkataba wake wa sasa ukitarajia kumalizika mwishoni mwa msimu huu.

Wakati huo huo uongozi wa klabu ya Manchester City umetangaza mpango wa kujenga viwanja vya mazoezi ambavyo vitawafanya wafanane na mabingwa wa soka nchini Hispania pamoija na barani Ulaya kwa ujumla Fc Barcelona.

Man City wametangaza mpango huo huku serikali ya mjini Manchester ikiwa tayari imeshawapa nafasi ya kuendelea na mpango huo ambao utawapa nafasi ya kuingia katika utawala tofauti katika medani ya soka.

Lengo kubwa la uongozi wa klabu hiyo ni kutaka kukuza na kuwaendeleza vijana kama ilivyo kwa Fc Barcelona ambao wanaendelea kufanya hivyo, na kwa sasa matunda yake yanaonekana kupitia kwa Lionel Messi, Cesc Fabregas, Andres Iniesta pamoja na wachezaji wengine ambao walikuzwa katika kituo cha La Masia.

ARSENE WENGER YUPO KATIKA MIKONO SALAMA.

2011-09-20T17:23:00.001+03:00

Mtendaji mkuu wa klabu ya Arsenal Ivan Gazidis amesisitiza jambo la uongozi wa klabu hiyo kutokua na papara za kumtimua kazi Arsene Wenger kufuatia mambo kumuendea kombo katika michezo ya ligi kuu ya soka nchini Uingereza.

Ivan Gazidis amesisitiza jambo hilo baada ya kuulizwa na waandishi wa habari hii leo jijini London ambao walitaka kufahamu nini msimamo wa uongozi wa The Gunners dhidi ya Arsene Wenger ambae mpaka sasa amekishuhudia kikosi chake kikipata ushindi mara moja katika michezo mitano ya ligi msimu huu.

Amesema bado wanaamini kikosi cha Arsenal kinachoendelea kuhangaikia suala la kusaka ushindi kwa sasa kitasimama chini ya meneja huyo kutoka nchini Ufaransa na hakuna mpango wowote wa kumtimua kazi kama inavyodhaniwa na wengi.

Kiongozi huyo amedai kwamba kwa mtazamo wa hivi sasa, kikosi cha Arsenal bado kina nafasi kubwa ya kurejea katika ushindani na kama ingekuwa michezo ya ligi inaelekea ukingoni basi uwezekano mkubwa wa mzee Arsene Wenger kutupiwa virago vyake ungekuwepo.

Wakati huo huo Arsene Wenger amelazimika kusema sababu zinazopelekea wachezaji wake kutokufanya vizuri mwanzoni mwa msimu huu baada ya safu yake ya ulinzi kuruhusu magoli 13 katika michezo sita waliyocheza.

Amesema sababu kubwa inayopelekea tatizo hilo ni udhaifu wa safu yake ya ulinzi ambayo inakosa umakini, mawasiliano pamoja na ushirikiano hatua mbayo inapelekea wahusika kutokua kitu kimoja.

Hata hivyo amedai kwamba katika mchezo wa mwishoni mwa juma lililopita dhidi ya Blackburn Rovers mabao mawili waliyofungwa kutokana na Alex Song na Laurent Koscielny kujifunga wenyewe yalichangia kwa kiasi kikubwa kuwapoteza wachezaji wengine katika hali ya mchezo.

Lakini pamoja na kutoa sababu hizo mzee huyo wa kifaransa ameendelea kutanabai kwamba mafanikio yao msimu huu yatategemea na jinsi watakavyokabiliana na makosa yaliyojitokeza katika michezo waliyocheza.

Usiku huu Arsenal wanakabiliwa na mchezo wa hatua ya tatu ya michuano ya kombe la ligi ambapo watawakaribisha nyumbani Emirates Stadium Shrewsbury Town na baada ya mpambano huo mwishoni mwa juma hili watakua nyumbani wakicheza na;

• 24 Sept - Bolton (h)
• 2 Oct - Tottenham (a)
• 16 Oct - Sunderland (h)
• 23 Oct - Stoke (h)
• 29 Oct - Chelsea (a)

Hernández Balcázar Chicharito KUREJEA UWANJANI KESHO.

2011-09-20T17:22:00.000+03:00

Mabingwa wa soka nchini Uingereza Man Utd hii leo wamepokea taarifa njema kutoka kwa wakala wa mshambuliaji Javier Hernández Balcázar Chicharito ambae alipata dhoruba la kuchezewa rafu mbaya na beki wa pembeni wa Chelsea Ashley cole mwishoni mwa juma lililopita pale klabu hizo zilipokutana.

Eduardo Hernandez, wakala wa mshambuliaji huyo kutoka nchini Mexico amesema Javier Hernández Balcázar Chicharito kesho atarejea mazoezini baada ya jeraha lake kuendelea vyema na kuonyesha uharaka wa kupona mbali na ilivyotarajiwa.

Eduardo Hernandez, amesema kila mmoja alishutushwa na kitendo cha rafu aliyochezewa mshambuliaji huyo mwenye umri wa miaka 23 kwa kudhani huenda ingemchukua muda mrefu kuwa nje ya uwanja, lakini kwa hivi sasa wanamshukuru mungu kwa maendeleo mazuri yanayoonekana.

Hata hivyo amedai kuwa licha ya kumtarajia kurejea mazoezini, anaamini Javier Hernández Balcázar Chicharito, atakuwa miongoni mwa wachezaji watakaojumuishwa kikosini katika mchezo wa mwishoni mwa juma hili dhidi ya Stoke City.

Kama itakumbukwa vyema meneja wa Man Utd Sir Alex Ferguson mara baada ya mchezo dhidi ya Chelsea alionyesha hofu ya kumkosa mshambuliaji huyo kwa muda wa majuma mawili yajao ama zaidi ya hapo.

Breno Rodrigues Borges NUSURA AKUMBWE NA UMAUTI.

2011-09-20T17:14:00.000+03:00

Beki kutoka nchini Brazil na klabu ya Bayern Munich Breno Rodrigues Borges ameazwa hospitalini nchini Ujerumani baada ya kuathiriwa na moshi mkali uliotanda katika nyumba yake ambayo ilishika moto na kuteketea kabisa.

Jeshi la polisi nchini Ujerumani limethibitisha kutokea kwa ajali hiyo ya moto na hali ya beki huyo inaendelea vizuri.

Taarifa iliyotolewa na jeshi la polisi nchini humo imeeleza kuwa, wakati nyumba ya Breno iliposhika moto hakukuwa na mtu mwingine yoyote zaidi yake.

Hata hivyo jeshi hilo la polisi limedai kwamba bado linaendelea kufanya uchunguzi wa kina kwa lengo la kufahamu chanzo cha moto huo, na watakapo maliza watatoa maelezo kamili kwa kile kilichopelekea ajali hiyo kutokea.

Breno ambae kwa sasa ana umri wa miaka 21, alijiunga na Bayern Munich akiwa na umri wa miaka 18, akitokea nyumbani kwao Brazil katika klabu ya Sao Paolo.

Mpaka sasa ameshaitumikia klabu hiyo ya Allianze Arena katika michezo 21, na bado hajabahatika kufunga bao.

KIZAA ZAA CHA KADI NYEKUNDU YA IVAN KLASNIC.

2011-09-19T17:56:00.000+03:00

Meneja wa Bolton Wanderers Owen Coyle amesema hakuna sababu ya kuomba radhi kwa niaba ya mshambuliaji Ivan Klasnic, ambae alionekana akimpiga kwa makusudi beki wa Norwich City Marc Tierney katika mchezo wa mwishoni mwa juma lililopita.

Owen Coyle amesema hakuna haja ya kufanya hivyo kutokana na mazingira ya mchezo yalivyokua ambapo tayari muamuzi Howard Webb alishamuadhibu kwa kumuonyesha kadi nyekundu kutokana na kosa hilo.

Amesema licha ya kuonyeshwa kadi nyekundu, bado Ivan Klasnic hakustahili kuadhibiwa kwa namba hiyo kutokana na tukio hilo lilivyojitokeza ambapo ilionekana alimgonga Marc Tierney kwa bahati mbaya alipokua katika harakati za kugeuka.

Hata hivyo amedai kuwa muamuzi Howard Webb alikua hafahamu kilichoendelea lakini muamuzi wa pembeni alipotakiwa kutoa maelezo alitoa maelezo tofauti na mwishowe mchezaji wake alionyeshwa kadi nyekundu ambayo anaendelea kuipinga.

Katika mchezo huo Bolton Wanderers ambao walikua nyumbani huko reebok Stadium walikubali kichapo cha mabao mawili kwa moja kutoka kwa Norwich City.

Davide Santon AZUSHA HOFU KUBWA ST JAMES PARK.

2011-09-19T17:53:00.000+03:00

Hofu imetanda kwa viongozi wa benchi la ufundi kufuatia hatua ya kuumia kwa beki wa pembeni ambae alijiunga na Newcastle Utd akitokea kwa mabingwa wa soka duniani Inter Milan Davide Santon.

Hofu hiyo imetawala kwa viongozi wa becnhi la ufundi wa klabu hiyo kufuatia maumivu ya goti yanayomkabili beki huyo mwenye umri wa miaka 20 aliyoyapata mwishoni mwa juma lililopita akiwa katika maandalizi ya mchezo wa ligi dhidi ya Aston Villa ambao ulimalizika kwa matokeo ya sare ya bao moja kwa moja.

Meneja wa Newcastle Utd Alan Pardew amesema hii leo Davide Santon alilazimika kupelekwa jijini London kwa ajili ya kufanyiwa matibabu zaidi na tayari wameshaelezwa huenda ikamchuku majuma manne kurejea tena uwanjani.

Amesema bado hawajafahamu kama atafanyiwa upasuaji lakini majibu ya haraka waliyoyapata huenda Davide Santon akakaa nje ya uwanja kwa muda wa majuma manne na endapo atalazimika kufanyiwa upasuaji hawatokua na hiyana na suala hilo zaidi ya kujipoanga kivingine.

Kuumia kwa beki huyo mwenye umri wa miaka 20 bado kunaendelea kumpa wakati mgumu Alan Pardew kupanga vyema kikosi chake ambapo katika mchezo uliopita dhidi ya Aston Villa alilazimika kumtumia Ryan Taylor kama beki wa upande wa kushoto.

Hata hivyo bado inadhaniwa huenda Ryan Taylor akaendelea kutumika katika upande wa kushoto katika mchezo wa hatua ya tatu ya kuwania kombe la ligi *Carling Cup* dhidi ya Nottingham Forest ambao watakuwa nyumbani huko City Ground hapo kesho.

Davide Santon alisajiliwa klabuni hapo kama mbadala wa Jose Enrique alieihama Newcastle Utd na kujiunga na Liverpool mwanzoni mwa mwezi uliopita.

LUCA MODRIC NA ADEBAYOR WAMKUNA BABU.

2011-09-19T17:50:00.000+03:00

Baada ya ushindi wa mabao manne kwa sifuri dhidi ya majogoo wa jiji Liverpool, meneja wa Tottenham Hotspurs Harry Redknapp amemtaka mwenyekiti wa klabu hiyo Daniel Levy kufanya mipango ya kuzungumza na kiungo kutoka nchini Croatia Luka Modric juu ya masuala ya kusaini mkataba mpya.

Harry Redknapp ameonyesha nia ya kuona suala hilo linafanyika haraka iwezekanavyo baada ya kufurahishwa na uwezo wa kiungo huyo aliouomnyesha katika mpambano wa jana huku akifunga bao la kwanza kwa shuti kali.

Amesema kwa sasa Luka Modric amerejea katika hali yake ya kawaida na ana imani amerejesha mapenzi na Spurs hivyo utakuwa ni wakati mzuri wa kufanya nae mazungumzo ili aweze kusaini mkataba mpya ambao utaendelea kumuweka huko White Hart lane.

Licha ya kutaka kutumia nafasi hiyo, pia Harry Redknapp anahofia endapo suala hilo la mazungumzo halitotiliwa maanani kwa hivi sasa huenda Luca Modric akaondoka mwezi januari kwa kusajiliwa na klabu ya Chelsea ambayo ilikua mstari wa mbele kutaka kumsajili katika kipindi cha usajili kilichofikia tamati usiku wa kuamkia September mosi.

Chelsea tayari alionyesha nia ya kumuhitaji kiungo huyo mwenye umri wa miaka 25 kwa udi na uvumba na kufikia wakati walikua tayari kutoa kiasi cha paund million 40 kama ada ya uhamisho wake kutoka kaskazini hadi magharibi mwa jiji la London.Katika hatua nyingine Harry Redknapp amekiri kufurahishwa na uwezo wa mshambuliaji kutoka nchini Togo Emmanuel Sheyi Adebayor ambae amemsajili kwa mkopo akitokea Man City ambako alikua na wakati mgumu wa kuwanai nafasi katika kikosi cha kwanza.

Harry Redknapp amesema hatua ya mshambuliaji huyo kufunga mabao mawili kati ya manne yaliyowapa ushindi katika mchezo wa jana anaamini itaendelea kumjengea mahusiano mazuri na mashabiki wa Spurs ambao siku za nyuma walimchukia kutokana na kadhia aliyokua anawapa akiwa na timu pinzani.

MANCINI ASHANGAZA KATIKA MKUTANO NA WAANDISHI WA HABARI.

2011-09-19T17:47:00.000+03:00

Katika hali ya kushangaza meneja wa Man City Roberto Mancini amedai kwamba kikosi chake jana kilishindwa kushomoza na ushindi dhidi ya Fulham, kufuatia upungufu wa wachezaji alio nao kwa sasa.

Madai hayo ya Roberto Mancini yaliwashangaza wengi katika mkutano na waandishi wa habari ambapo alisema asilimia kubwa ya wachezaji wake ni majeruhi hivyo hana budi kufikiria kufanya usajili katika kipindi cha dirisha dogo mwezi januari mwaka 2012 lakini inatakiwa ikumbukwe kuwa tayari Man city wameshatumia paund million 300 katika usajili baada ya kuwa chini ya Taykun kutoka Falme za kiarabu Sheikh Mansour bin Zayed bin Sultan Al Nahyan.

Amesema katika mpambano huo kikosi chake kiliwakosa wachezaji kama James Milner pamoja na Nigel de Jong ambao anaamini endapo wangekua na hali nzuri mambo yangekua safi ndani ya dakika 90.

Katika hatua nyingine meneja huyo kutoka nchini italia ameonyesha kukasirishwa na mwenendo wa wachezaji wake ambapo amedai walikuwa hawana sababu ya kushindwa kuwazui wapinzani wao ambao tayari walikua nyuma kwa idadi ya mabao mawili kwa sifuri hadi katika dakika ya 60 lakini mpaka mwishoni mwa mpambano huo ubao wa m ulisomeka mbili kwa mbili.

Hata hivyo amedia kwamba hatua hiyo imewafundisha namna ya kucheza kwa malengo katika michezo ijayo ambayo anaamini watafanya vyema kwa lengo la kutaka kutimiza mipango ya kutwaa ubingwa msimu huu.

Mabao ya Man City katika mpambano huo yalipachikwa nyavuni na mshambuliaji kutoka nchini Argentina Sergio Aguero huku Bobby Zamora pamoja na Danny Murphy wakifunga mabao ya Fulham.

ASHLEY COLE HAKUSTAHILI KADI YA NJANO.

2011-09-19T17:36:00.000+03:00

Uongozi wa chama cha soka nchini Uingereza umesema beki wa pembeni wa klabu ya Chelsea Ashley Cole hatochukuliwa hatua za kisheria kufuatia rafu aliyomchezea mshambuliaji wa Man utd Javier Hernández Balcázar Chicharito katika mchezo wa jana huko Old Trafford.

Uongozi wa chama cha soka nchini humo umelazimika kulitoa ufafanuzi suala hilo kufuatia malalamiko yaliyotolewa na meneja wa Man utd ambae alidai Ashley Cole alistahili kuonyeshwa kadi nyekudu kufuatia kosa alilolifanya na si adhabu ya kadi ya njano aliyoonyeshwa na muamuzi Phil Dowd.

Ufafanuzi huo umetolewa kwa kigezo cha sheria za shirikisho la soka ulimwenguni kote FIFA ambazo zinaeleza kwamba mchezaji hawezi kuchukulia hatua zaidi ya adhabu aliyopewa na muamuzi wa mchezo husika hivyo bado beki huyo anaendelea kuhesabika kuwa miongoni mwa wachezaji walioadhibiwa kwa kadi ya njano.

Hata hivyo sheria hiyo inaelezea kwa upande wa pili ambapo mchezaji ataadhibiwa na shirikisho ama chama cha soka cha nchi husika endapo atafanya kosa ambalo halikuonekana na muamuzi wa mchezo wa ligi ama mashindano makubwa duniani lakini likaonekana kwa njia tofauti.

Wakati huo huo meneja wa Chelsea Andre Villas-Boas amesisistiza kwamba kupoteza mchezo wa jana kwa kufungwa mabao matatu kwa moja hakuwezi kuwapotezea nafasi ya kufikia malengo ya kutwaa ubingwa msimu huu.

Andre Villas-Boas amesema hatua hiyo ya kufungwa, kwake anaichukulia kama changamoto ya kufikiria mbele na kukabiliana na timu ngumu kama Man Utd hivyo ameahidi kufungua ukurasa mwingine wa kusaka ushindi kwa namna yoyote ile.

Chelsea watarejea tena uwanjani mwishoni mwa juma hili katika muendelezo wa michezo ya ligi kuu ya soka nchini Uingereza ambapo watakua nyumbani Stamford Bridge wakiwakaribisha Swansea City lakini siku ya jumatano watacheza mchezo wa kuwnai kombe la ligi dhidi ya Fulham.

LIVERPOOL YAKUMBWA NA ZAHMA.

2011-09-18T20:11:00.002+03:00

White Hart Lane, London
Tottenham Hotspur 4 - 0 Liverpool

Matokeo ya michezo mingine iliyochezwa hii leo ni pamoja na:

Craven Cottage, London
Fulham 2 - 2 Manchester City

Stadium of Light, Sunderland
Sunderland 4 - 0 Stoke City

Old Trafford, Manchester
Manchester United 3 - 1 Chelsea

NI VITA YA MANENO KATI YA BABA NA MTOTO.

2011-09-17T14:03:00.000+03:00

Ligi ya nchini Uingereza itaendelea tena kesho kwa michezo kadhaa kuchezwa katika viwanja tofauti lakini mchezo mkubwa unaosubiriwa kwa hamu ni kati ya Man Utd dhidi ya Chelsea utakaounguruma Old Trafford ambapo ni nyumbani kwa Mashetani wekundu.

Tayari vita ya maneno kati ya mameneja wa klabu hizo mbili imeshaanza kutawala ambapo Sir Alex Ferguson amempiga dongo boss wa klabu ya Chelsea Andre Villas-Boas kwa kusema itakua miujiza endapo atachukua ubingwa wa nchini humo akiwa na umri wa miaka 33.

Sir Alex Ferguson ametoa dogo hilo huku akielewa fika Andre Villas-Boas ana matumaini makubwa ya kuandika historia kama hiyo ambayo haijawahi kutokea nchini Uingereza toka mfumo wa ligi kuu ulipoanzishwa February 20-1992.

Mzee huyo mwenye umri wa miaka 69, ameendelea kueleza kwamba kwa umri wa meneja huyo ni shughuli kubwa kufanya kazi katika klabu kama ya Chelsea hivyo anamsikitikia kutokana na mazingira ya klabu hiyo.

Hata hivyo amedia kwamba mchezo wa kesho utakua mgumu lakini anaupa nafasi kubwa upande wa wachezaji wake ambao upo vizuri toka msimu huu ulipoanza kutokana umahiri wa kila mchezaji anaempa nafasi kikosini.

Nae meneja wa Chelsea Andre Villas-Boas amesema anamuheshimu sana Sir Alex Ferguson na katu hawezi kujifananisha nae kutokana na mafanikio makubwa aliyoyapata toka alipoaingia katika mchezo wa soka zaidi miaka 30 iliyopita.

Amesema meneja huyo ni mwenye heshima na kila mmoja katika medani ya soka anastahili kuheshimu anachokifanya, hivyo atakwenda katika mchezo wa kesho akiwa katika misingi hiyo.

Lakini kwa upande mwingine Villas-Boas, akabainisha kwamba soka ni mchezo ambao hautegemei nani mwenye heshima hivyo msema kweli nio dakika 90 ambazo zitaamua nani ataondoka na point tatu huko Old Trafford.

Katika hatua nyingine meneja huyo kutoka nchini Ureno akaendelea kusisitiza jambo la kukipanga kikosi chake kwa kusema ataendelea na mfumo kama alioutumia kabla ya mchezo wa Bayer Leverkusen ambapo kila mchezaji atajumuishwa kikosini kutokana na jitihada zake binafsi.

Michezo mingine ya ligi hiyo itakayounguruma kesho ni pamoja na;

White Hart Lane, London
Tottenham Hotspur v Liverpool

Craven Cottage, London
Fulham v Manchester City

Stadium of Light, Sunderland
Sunderland v Stoke City

ARSENAL WAMNUSURU STEVE KEAN.

2011-09-17T13:59:00.000+03:00

Hatimae meneja wa Blackburn Rovers Steve Kean amepata nafasi ya kupumua kufuatia hii leo kikosi chake kuchomoza na ushindi wa kwanza katika michuano ya ligi kuu ya soka nchini Uingereza dhidi ya Arsenal waliokubali kisago cha mabao manne kwa matatu.

Kabla ya mchezo huo mashabiki wa rovers tayari walikua wameshatoa tahadhari kwa uongozi wa klabu hiyo ambayo ilieleza wazi namna wasivyopendezwa na mwenendo wa meneja Steve Kean toka msimu huu ulipoanza August 13.

Meneja huyo kutoka nchini Scotland, hii leo alionekana kuwa na hali ya kujiamini zaidi hatua ambayo inaaminika huenda ilitoa msukumo kwa wachezaji wake kucheza kwa kujituma wakati wote dhidi ya Arsenal ambao wamekua na mwendo wa kusua sua.

Katika mchezo huo Arsenal walionyesha uwezo mkubwa katika kipindi cha kwanza na kupelekea kupata mabao mawili yaliyofungwa na winga kutoka nchini Ivory coast Gervas Gao Gervinho pamoja na kiungo kutoka nchini Hispania Mikel Arteta, huku mshambuliaji kutoka nchini Nigeria Yakubu Aygbein akifunga bao la kwanza kwa upande wa Balckburn Rovers.

Kipindi cha pili Blackburn Rovers walionyesha uwezo mkubwa na wa kushangaza pale walipomiliki mpira kwa kiwango cha hali ya juu, hatua iliyopelekea kupata bao la kusawazisha ambalo lililotokana na kiungo wa Arsenal Alex Song kujifunga mwenyewe.

Bao la tatu likafungwa Yakubu Aygbein na bao la nne lilitokana na beki wa Arsenal Laurent Koscielny kujifungwa mwenyewe huku bao la tatu la The Gunners likipachikwa wavuni na mshambuliaji kutoka nchini Morocco Marouane Chamakh.

Mara baada ya mchezo huo Steve Kean alivieleza vyombo vya habari kwamba ni faraja kubwa kwake pamoja na timu nzima ya benchi la ufundi na pia anaamini ushindi walioupata hii leo ni njia nzuri ya kusaka mafanikio zaidi katika michezo ya ligi inayofuata.

Arsene Wenger meneja wa klabu ya Arsenal yeye aliwaeleza waandishi wa habari juu ya masikitiko yake kwa kusema haukua mchana mzuri kwake kutokana na muonekano wa mchezo ulivyokua hasa ikizingatiwa walikua wakiongoza mabao mawili kwa moja hadi wakati wa mapumziko.

Mzee huyo ameendelea kuamini kwamba bado kikosi chake kinaendelea kutengemaa na kwa sasa anatazama mchezo ujo ambapo watakutana na Shrewsbury Town katika michuano ya kombe la ligi siku ya jumanne ya juma lijalo.

Michezo mingine ya ligi kuu ya soka nchini uingereza iliyochezwa hii leo ni pamoja na.

Goodison Park, Liverpool
Everton 3 - 1 Wigan Athletic

Reebok Stadium, Bolton
Bolton Wanderers 1 - 2 Norwich City

Villa Park, Birmingham
Aston Villa 1 - 1 Newcastle United

The Liberty Stadium, Swansea
Swansea City 3 - 0 West Bromwich Albion

Molineux, Wolverhampton
Wolverhampton Wanderers 0 - 3 QPR

David Beckham AWANIWA UFARANSA.

2011-09-17T13:50:00.002+03:00

Alikua meneja wa mabingwa wa soka nchini Italia AC Milan Leonardo Nascimento de Araújo ambae kwa sasa ni mkurugenzi wa michezo wa klabu ya Paris St Germain ya nchini Ufaransa, ametangaza mipango ya kutaka kumsajili kiungo kutoka nchini Uingereza David Beckham.

Leonardo ametamngaza mpango huo, zikiwa zimepita siku kadhaa badaa ya klabu za QPR pamoja na Tottenham Hotspurs zote za nchini Uingereza kutangaza azma kama hiyo hatua ambayo inaonyesha ni vipi kutakavyokua na upinzani wa kumsajili David Beckham ambae mwezi November anamaliza mkataba wake na klabu ya Los Angel Galax ya nchini marekani.

Amesema mpango wa kumsajili kiungo huyo tayari umeshaanza kusukwa huko Parc des Princes, na anaamini mchezaji huyo atapendezwa na mazingira ya Paris St Germain ambayo kwa sasa imejizatiti kwa ajili ya kuleta changamoto mpya katika soka la nchini Ufaransa.

Leonardo ambae pai aliwahi kuitumikia Paris St Germain 1996–1997, ameendelea kubainishwa kwamba Anamfahamu vilivyo David Beckham, baada ya kumfundisha akiwa na klabu ya Ac Milan misimu miwili iliyopita hivyo atatumia nafasi hiyo kumshawishi ili ajiunge nao mwezi januari mwaka 2012.

Amesema wakati akimfundisha kiungo huyo mwenye umri wa miaka 36, alifurahishwa na mpangilio wa maisha yake ya ndani na nje ya uwanja kwani hakuna hata siku moja ambayo alikwenda kinyume na taratibu za klabu ya Ac Milan ambayo ilimsajili kwa mkopo.

Paris St Germain kwa sasa imekua miongoni mwa klabu tajiri barani ulaya baada ya kuwa chini ya muwekezaji kutoka nchini Qatar ambae anamiliki kampuni ya uwekezaji iitwayo Qatar Sports Investments.

Kufuatia hatua hiyo Paris St Germain ilifanya usajili wa wachezaji wenye majina na wenye uzoefu katika kipindi cha usajili kilichomalizika usiku wa septemba mosi na tayari usajili huo uliofanywa umeshaanza kuonyesha muelekeo wa mafanikio katika ligi daraja la kwanza nchini Ufaransa.

Gabriel Agbonlahor AWATAJA WABAYA WAKE.

2011-09-16T13:26:00.000+03:00

Mshambuliaji wa klabu ya Aston Villa Gabriel Agbonlahor amemlaumu wazi wazi aliekua meneja wa klabu hiyo Gerrard Houllier kwa kusema amekua chanzo cha kushindwa kufikia malengo yake ya kucheza katika timu ya taifa ya Uingereza.

Mshambuliaji huyo mwenye umri wa miaka 24 ametoa lawama hizo kwa kusema meneja huyo kutoka nchini Ufaransa alikua hampi nafasi ya kutosha ya kucheza ili hali alikua na kila sababu za kujumuishwa kikosini kama ilivyokua kwa wachezaji wengine huko Villa Park.

Amesema pamoja na kuoenakana kwa matatizo hayo bado aliekua msaidizi wa Gerrard Houllier, Gary McAllister alishindwa kumshawishi bosi wake kufanya namna yoyote ile, ili aweze kujumuika na wengine kikosioni.

Mshambuliaji huyo pia akaendelea kumlaumu Gary McAllister kwa kuendeleza kasumba ya kutokumchezesha mara baada ya kuondoka kwa Gerrard Houllier, hatua ambayo ilimsukuma na kuamini huenda ulikua ni mpango wa kumdidimiza kisoka.

Amesema miaka mitatu iliyopita tayari alianza kuonyesha namna ya kutimiza ndoto zake kwa kuitwa katika timu ya taifa ya Uingereza, lakini ndoto hizo zilififia na kuwaacha akiwana Ashley Young na Theo Walcott alioanza nao wakiendelea kuitwa kikosini hadi hivi sasa.

Gabriel Agbonlahor amechagulia kuwa mchezaji wa klabu ay Astona villa kwa mwezi uliopita kufuatia kazi nzuri aliyoifanya ya kufunga bao safi katika mchezo wa ligi dhidi ya Blackburn Rovers pamoja na kupachika bao la kusawazisha katika mchezo dhidi ya Everton.

Ligi guu ya soka nchini Uingereza kesho inaendelea tena kwa michezo kadhaa kupigwa katika viwanja tofauti ambapo:

Ewood Park, Blackburn
Blackburn Rovers v Arsenal

Goodison Park, Liverpool
Everton v Wigan Athletic

Reebok Stadium, Bolton
Bolton Wanderers v Norwich City

Villa Park, Birmingham
Aston Villa v Newcastle United

The Liberty Stadium, Swansea
Swansea City v West Bromwich Albion

Molineux, Wolverhampton
Wolverhampton Wanderers v QPR

Cesc Fabregas AKANA KUISEMEA MBOVU ARSENAL.

2011-09-16T13:24:00.000+03:00

Kiungo alieihama klabu ya Arsenal katika kipindi cha usajili kilichopita Francis Cesc Fabregas amesema hakufanya mahojiano na chombo chochote cha habari yaliyohusiana na safari yake ya kutoka nchini Uingereza hadi nchini Hispania.

Francis Cesc Fabregas amekanusha mpango huo wa kufanya mahojiano baada ya taarifa yake kutokewa katika baadhi ya vyombo vya habari vya nchini Uingereza ambavyo vilidai ameikashifu Arsenal kwa kusema klabu hiyo itasubiri sana kutwaa ubingwa kutokana na umahiri wa vikosi vya klabu kama Man Utd, Man city pamoja na Chelsea.

Amesema anatambua huenda mpango huo umepangwa na baadhi ya watu wasiomtakia mema katika maisha yake mara baada ya kudoka jijini London lakini bado akaendelea kushikilia msimamo wake wa kutosema maneno hayo.

Amesema anaamini mashabiki wa Arsenal wamekasirishwa na kile walichokiona ama kukisikia katika vyombo vya habari, lakini wanastahili kuwa watulivu na kutambua hakufanya na wala hatothubutu kufanya mpango wowote wa kuitusi The Gunners.

Kiungo huyo mwenye umri wa miaka 24 ametanabai kwamba aliishi vyema na mashabiki, viongozi pamoja na wachezaji wa Arsenal na kuondoka kwake klabuni hapo kunastahili kuchukuliwa kama sehemu ya maisha yake na si uadui kama inavyoonekana kwa baadhi ya watu wasiomtakia mema.

Francis Cesc Fabregas aliihama Arsenal baada ya kuitumikia kwa muda wa miaka minane iliyopita na kwa kipindi chote hicho alifanikiwa kucheza michezo 212 na kupachika mabao 35.

Wakati huo huo ligi kuu ya soka nchini hispania kesho inaendelea tena ambapo:

Estadio El Molinón.
Sporting Gijón v Valencia CF

Nuevo Los Cármenes.
Granada CF v Villarreal CF

Iberostar Estadi
RCD Mallorca v Málaga CF

Camp Nou.
FC Barcelona v Osasuna

Estadio Ramón Sánchez Pizjuan.
Sevilla FC v Real Sociedad

Juan Carlos Garrido AUKATAA MTAZAMO WA MASHABIKI.

2011-09-16T13:23:00.000+03:00

Meneja wa Villareal Juan Carlos Garrido amekataa kukubaliana na mtazamo wa mashabiki wa soka nchini humo, ambao unamuegemea kwa kusema ameonyesha kukata tamaa na matokeo mabovu ya michezo ya kwanza ya mwanzoni mwa msimu huu.

Juan Carlos Garrido ameukataa msimamo huo kwa kusema yeye bado ana mipango madhubuti ya kuiwezesha klabu hiyo kurejea katika njia za ushindi na anaamini suala hilo litawezekana kutokana na kikosi alichonacho.

Amesema kuanza vibaya mchezo wa kwanza wa ufunguzi wa ligi ya nchini Hispania, kwa kufungwa mabao matano kwa kwa sifuri dhidi ya mabingwa watetezi FC Barceolona, na kisha kupata matokeo ya sare dhidi ya Sevilla kabla ya kubamizwa mabao mawili kwa sifuri dhidi ya Bayern Munich katika michuano ya ligi ya mabingwa barani ulaya, bado hakumsumbui hata kidogo.

Juan Carlos Garrido amedai kuwa Villareal ni kwabu kubwa na ina msimamo wake wa kipekee, hivyo bado akaendelea kusisitiza jambo la matumaini ya kukiamini kikosi chake hadi mwishoni mwa msimu huu.

Gian Piero Gasperini YUPO KATIKA MIKONO SALAMA.

2011-09-16T12:12:00.000+03:00

Raisi wa klabu bingwa duniani Internazionale Milano Massimo Moratti amekanusha taarifa za kujipanga kumtimua kazi meneja wa klabu hiyo Gian Piero Gasperini kufuatia kuanza vibaya msimu wa mwaka 2011-12.

Massimo Moratti ametoa msimamo huo kufuatia minong’ono inayoendelea katika vyombo vya habari nchini Italia ambayo inadai Gian Piero Gasperini yu njiani kutimuliwa baada ya kushindwa kufikia malengo yaliyokusudiwa.

Massimo Moratti amesema kibarua cha Gian Piero Gasperini bado kipo katika mikono salama na wao kama viongozi wanaridhishwa na kazi yake anayoifanya mpaka sasa.

Amedai kupoteza mchezo wa ufunguzi wa ligi ya nchini Italai dhidi ya Parlemo walioibuka na ushindi wa mabao manne kwa matatu pamoja na kupoteza point tatu za mchezo wa kwanza wa ligi ya mabingwa barani ulaya dhidi ya Trabzonspor, kwao imekua fundisho na anaamini makosa yaliyojitokeza yatatumika kama changamoto katika mchezo wa mwishoni mwa juma hili dhidi ya AS Roma.

Katika hatua nyingine kiungo kutoka nchini Serbia Dejan Stankovic yupo katika mashaka makubwa ya kuukosa mchezo dhidi ya AS Roma, huku kiungo mchezeshaji kutoka nchini Uholanzi Wesley Sneijder akionyeasha matumaini ya kupona maumivu ya kifundo cha mguu.

Wakati Inter Milan wakitarajia kurejea uwanjani kesho, hii leo ligi ya nchini Italia inaendelea kwa kupigwa mchezo mmoja ambapo:

Stadio Sant'Elia,
Cagliari Vs Novara

NINACHUKIWA KWA SABABU MIMI TAJIRI, MZURI NA UWEZO WA UWANJANI - CRISTIANO RONALDO.

2011-09-15T18:35:00.000+03:00

Mchezaji ghali duniani Cristiano Ronaldo amesema mara kadhaa anapopata mapokezi mabaya kutoka kwa mashabiki wa klabu pinzani huwa anatambua hatua hiyo inatokana na utajiri wake, sura yake nzuri na umahiri wake anapokua uwanjani.

Cristiano Ronaldo ametoa mtazamo huo kufutia mapokezi mabaya aliyoyapata kwa mashabiki wa klabu ya Dinamo Zagreb ambayo jana walikutana nayo katika michuano ya ligi ya mabingwa barani ulaya.

Katika mchezo huo Cristiano Ronaldo, alipata wakati mgumu wa kuzomewa na mashabiki wa Dinamo Zagreb kila alipoguza mpira na kila alipochezewa rafu hatua ambayo amedai ilimkera yeye kama mchezaji ambae hana kosa zaidi ya kuitumikia klabu yake.

Hata hivyo amedai kwamba mbali na mashabiki wa Dinamo Zagreb, pia hupata mapokezi mabaya kila anapokua na Real Madrid nje ya nchi ya Hispania ambapo mashabiki humzomea na kumuambia wazi wazi huwezi kufanana na Messi hata kidogo.

Katika hatua nyingine kiungo huyo mwenye umri wa miaka 26, amesema mbali na mapokezo mabaya aliyoyapata, yeye binafsi pamoja na wachezaji wengine wa Real Madrid wamefurahishwa na matokeo ya bao moja kwa sifuri ambayo yamewapa point tatu muhimu katika msimamo wa kundi la nne.

Bao hilo pekee la The Galacticos lilipachikwa wavuni katika dakika ya 53 na winga kutoka nchini Argentina Angel di Maria.

BABU AMKUBALI MCHEZAJI MKONGWE MAN UTD.

2011-09-15T18:33:00.000+03:00

Winga kutoka nchini Wales Ryan Giggs amepongezwa vilivyo na meneja wa Man Utd Sir Alexander Chapman "Alex" Ferguson kufutia shughuli nzito aliyoifanya usiku wa kuamki hii leo huko mjini Lisbon katika mchezo wa ligi ya mabingwa barani Ulaya dhidi ya Sport Lisboa Benfica.

Sir Alexander Chapman "Alex" Ferguson ametoa sifa hizo kwa kusema shughuli aliyoifanya winga hiyo ilikua nzuri na mwisho wa siku ilikisaidia kikosi chake kupata point moja ugenini ambayo pia amedai ni nzuri kwa upande mmoja ama mwingine.

Amesema mbali na kufunga bao la kusawazisha katika mpambano huo bado Ryan Giggs alionyesha uwezo mkubwa dhidi ya wapinzani hatua ambayo anadhani itaendelea kumjenga katika mazingira mazuri ya kuitetea Man utd msimu huu.

Katika hatua nyingine babu huyo mwenye umri wa miaka 69, ametoa pongezi kwa Ryan Giggs kufautai rekodi aliyoiweka ya kuwa mchezaji mwenye umri mkubwa aliefunga bao katika michuano hiyo ambayo ni muhimu katika ngazi ya vilabu barani ulaya.

Ryan Giggs ameweka rekodi hiyo na kuivunja ile iliyowekwa na mshambuliaji mkongwe kutoka nchini Italia pamoja na klabu ya Ac Milan Filippo Inzaghi ambae kwa mara ya mwisho alipachika bao katika michuano hiyo msimu uliopita akiwa na umri wa miaka 36 na miezi sita.

Wakati huo huo Sir Alexander Chapman "Alex" Ferguson amekiri kwamba Sport Lisboa Benfica wana kikosi kizuri na ana mashaka huenda wakasumbua katika michezo ya kundi tatu ambalo linaijumuisha Man Utd, FC Basel pamoja na Otelul Galati.

SAMAHANI BABA - Roberto Mancini.

2011-09-15T18:32:00.000+03:00

Meneja wa Man City Roberto Mancini usiku wa kuamkia hii leo alilazimika kumtaka radhi baba yake mzazi Aldo Mancini aliefunga safari kutoka nchini Italia hadi mjini Manchester kwa ajili ya kutazama mchezo wa ligi ya mabingwa barani ulaya dhidi ya Società Sportiva Calcio Napoli.

Roberto Mancini amelazimika kufanya hivyo kufutia mambo kumuendea kombo huko Etihad Stadium ambapo mashabiki walishuhudia kikosi cha Man city kikisawazisha bao kupitia kwa Aleksandar Kolarov baada ya mshambuliaji kutoka nchini Uruguay Edson Cavan kuifungia SSC Napoli bao la kuongoza.

Amesema hana budi kumtaka radhi baba yake mzazi kwani aliamini mzee huyo alifunga safari ya kwenda kuitazama kazi yake huku akimini huenda wangeibuka na ushindi katika mchezo huo wa kundi la kwanza.

Hata hivyo Mancini amesema kwamba baba yake mzazi ataendelea kuwepo nchini Uingereza hadi mwishoni mwa juma hili, kwa ajili ya kutazama mchezo wa ligi kuu ambapo Man city watasafiri hadi jijini London kwenda kucheza na Fulham huko Craven Cottage.

Katika hatua nyingine meneja huyo kutoka nchini Italia ametetea matokeo yaliyopatikana mbele ya Società Sportiva Calcio Napoli kwa kusema si matokeo mabaya kwao na anahisi mwenendo uliwaendea kombo kutokana na ugeni wa michuano hiyo ambapo Man City wanashiriki baada ya miaka kadhaa kupitia.

Amesema kikosi chake kilionyesha uwezo mkubwa katika kipindi cha kwanza lakini katika kipindi cha pili mambo yaliwaendelea tofauti na pengine hatua hiyo anadhani ilitokana na ushawishi wa wachezaji wake kusaka bao la kusawazisha.

Roberto Mancini hakuishia hapo bali aliendelea kutanabai kwamba kuanza kwao kwa matokeo ya sare, kuna wajengea nafasi nyingine ya kutengeneza mipango ya kusaka ushindi katika mchezo ujao ambao utawakutanisha na Bayern Munich huko nchini Ujerumani Sept 27.

Mikel Arteta ATOBOA SIRI YA KUISHI VYEMA EMIRATES STADIUM.

2011-09-15T18:24:00.000+03:00

Kiungo kutoka nchini Hispania Mikel Arteta ametoboa siri ya kuendelea vyema na maisha ya huko Emirates Stadium mara baada ya kujiunga na Arsenal usiku wa kuamkia Septemba mosi akitokea Goodson Park yalipo makao makuu ya klabu ya Everton.

Mikel Arteta ambae mpaka sasa ameshaitumikia Arsenal katika michezo miwili amesema siri kubwa ya kufanikiwa kuishi vyema huko kaskazini mwa jiji la London ni ushauri mzuri alioupokea kutoka kwa aliekua nahodha na kiungo wa The Gunners Cesc Fabregas ambae ameamua kurejea nyumbani mjini Barcelona.

Amesema mara baada ya kujiunga na Arsenal Cesc Fabregas amekua mtu wake wa karibu na kila mara wamekua na mawasiliano na kikubwa anachomuambia ni namna ya kuishi katika mazingira ya mzee Arsene Wenger ambae amedai bado anampenda na kumuheshimu.

Amesema Fabregas alimueleza kuwa amefurahishwa na kitendo cha yeye kuhamia katika klabu ya Arsenal ambayo ilikua inamuhitaji mchezaji kama Mikael Arteta kwa kipindi kirefu.

Mbali na kueleza furaha zake kwa Mikael Arteta pia Fabregas amedai kumfundisha mipango ya kuiwezesha klabu hiyo kupata ushindi na kurejea katika makali yake kama ilivyokua zamani.

Nae kiungo kutoka nchini Israel Yossi Benayoun aliejiunga na The Gunners kwa mkopo wa muda mrefu akitokea Chelsea ameelezea furaha yake ya kuitumikia kwa moyo mkunjufu Arsenal hatua ambayo amedai imemkuna Arsene Wenger.

Amesema toka alipopewa nafasi kama mchezaji wa akiba katika mchezo wa ligi wa mwishoni mwa juma lililopita dhidi ya Swansea city waliokubali kichapo cha bao moja kwa sifuri, pamoja na mchezo wa ligi ya mabingwa barani Ulaya dhidi ya Borusia Dortmund ambapo alicheza toka mwanzo amekua ni mwenye furaha isiyo kifani.

Wakati huo huo Yossi Benayoun ameelezea imani yake kwa kikosi cha Arsenal mara baada ya matokeo ya sare ya bao moja kwa moja dhidi ya Borusia Dortmund ambapo amesema ni hatua nzuri ambayo itawawezesha kuendeleza wimbi la ushindi katika mchezo wa ligi wa mwishoni mwa juma hili dhidi ya Blackburn Rovers.

USIKU HUU ULIKUA MBAYA KWA MAN UTD !!!!

2011-09-14T23:45:00.001+03:00

Estádio da Luz, Lisbon
Benfica 1 - 1 Manchester United

Michezo mingine ya ligi ya mabingwa barani ulaya iliyochezwa usiku huu ni pamoja:

Etihad Stadium, Manchester
Manchester City 0 - 0 Napoli

El Madrigal, Villarreal
Villarreal CF 0 - 2 Bayern Munich

Stadium Lille Métropole, Villeneuve-d'Ascq
Lille OSC 2 - 2 CSKA Moscow

Stadio Giuseppe Meazza, Milan
Internazionale 0 - 1 Trabzonspor

Sankt Jakob-Park, Basel
FC Basel 1 - 0 Otelul Galati

Amsterdam ArenA, Amsterdam
Ajax 0 - 0 Olympique Lyon

Maksimir, Zagreb
Dinamo Zagreb 0 - 0 Real Madrid

Neymar da Silva Santos Júnior HAUZWI.

2011-09-14T17:09:00.000+03:00

Raisi wa klabu ya Santos ya nchini Brazil Alvaro de Oliveira amekanusha taarifa za kufanya makubaliano ya kumuuza mshambuliaji wa klabu hiyo Neymar da Silva Santos Júnior kunako klabu ya Real Madrid ama FC Barcelona zote za nchini Hispania.

Alvaro de Oliveira amekanusha taarifa hizo, ikiwa ni siku kadhaa baada ya vyombo vya habari nchini Brazil pamoja na nchini Hispania kuripoti kwamba viongozi wa klabu hiyo wapo tayari kumuachia mshambuliaji huyo mwenye umri wa miaka 19.

Amesema taarifa hizo hazina ukweli wowote na wala hakuna kiongozi wa Santos aliekaririwa na vyombo hivyo vya habari ambavyo amedia haviitakii mema klabu yao.

Hata hivyo Alvaro de Oliveira amedai kwamba mara baada ya taarifa hizo kutoka katika vyombo vya habari alifanya mawasiliano na raisi wa Fc Barcelona Sandro Rosell pamoja na raisi wa Real Madrid Florentino Perez kwa ajili ya kuwauliza juu ya suala hilo lakini pia walikanusha vikali.

Amedai kuwa licha ya kuwauliza viongozi wa klabu hizo nguli nchini Hispania pia aliwataka kutokua na ukimya endapo litaibuka suala lingine linalomuhusu Neymar da Silva Santos Júnior na ikiwezekana wakae mezani na kulimaliza.

MAN UTD KUANZA KAMPENI YA ULAYA HII LEO.

2011-09-14T17:04:00.000+03:00

Michuano hiyo hii leo inaendelea tena kwa kushuhudia michezo ya kundi la kwanza hadi la nne, ambapo mabingwa wa soka nchini Uingereza Man Utd wamesafiri hadi nchini Ureno katika mji wa Lisbon, kwa ajili ya kupambana na wapinzani wao Sport Lisboa Benfica.

Man Utd wamesafiri bila ya kuwa na beki wao wa kutumainiwa Rio Ferdinand ambae ni majeruhi lakini anapewa nafasi kubwa ya kuchezeshwa katika mchezo wa mwishoni mwa juma hili dhidi ya Chelsea.

Man Utd pia watamkosa beki mwingine Nemanja Vidic anaesumbuliwa na maumivi ya kiazi cha mguu huku wachezaji wengine ambao hawakusafiri na timu ni pamoja na kiungo Tom Cleverley anaesumbuliw ana maumivu ya mguu toka mwishoni mwa juma lililopita, mshambuliaji Danny Welbeck anaesumbuliwa na maumivu ya nyama za paja pamoja na Rafael Da Silva anaesumbuliwa na maumivu ya bega.

Kwa upande wa Sport Lisboa Benfica huenda wakamkosa kiungo kutoka nchini Argentina Enzo Perez ambae bado yupo katika mashaka ya kucheza ama kutokucheza kufuatia maumivu ya goti yanayomkabili, huku taarifa zingine zikithibitisha kurejea kikosini kwa wachezaji kama Ezequiel Garay, Manuel Agudo Durán Nolito, Maxi Pereira pamoja na Ruben Amorim.

Meneja wa Man Utd Sir Alexander Chapman "Alex" Ferguson tayari ameshaonyesha imani ya kupata ushindi katika mpambano wa usiku huu, kufuatia kauli aliyoitoa katika mkutano na waandishi wa habari ambayo imeegemea sana katika upande wa mwanzo mzuri waliouonyesha.
Nao Man city watakuwa wenyeji wa Società Sportiva Calcio Napoli toka nchini Italia ambapo meneja wa klabu hiyo Roberto Mancini amesema siku ya hii leo, kwake anaichukua kama ni siku muhimu kwa klabu hiyo ambayo ina miaka kadhaa iliyoshuhudia wakishindwa kucheza katika michuano ya barani ulaya.

Michezo mingine ya ligi ya mabingwa barani ulaya itakayochezwa hii leo ni pamoja na;

El Madrigal, Villarreal
Villarreal CF v Bayern Munich

Stadium Lille Métropole,
Lille OSC v CSKA Moscow

Stadio Giuseppe Meazza, Milan
Internazionale v Trabzonspor

Sankt Jakob-Park, Basel
FC Basel v Otelul Galati

Amsterdam ArenA.
Ajax v Olympique Lyon

Maksimir, Zagreb
Dinamo Zagreb v Real Madrid

SARE SIO MBAYA KWETU - PAT RICE.

2011-09-14T16:56:00.000+03:00

Sare ya bao moja kwa moja ambayo ilishuhudia washika bunduki wa Ashburton Grove wakiondoka nchini humo na point moja dhidi ya mabingwa wa Bundesliga Borusia Dotmund imezungumzwa vizuri na meneja msaidizi wa Arsenal Pat Rice ambae alishika pahala pa bosi wake Arsene Wenger aliekua jukwaani.

Pat Rice amesema si matokeo mabaya kwa kikosi chake kutokana na mtazamo wa mchezo ulivyokua, hivyo ameahidi kujipanga zaidi kwa ajili ya michezo mingine ya kundi la sita ambapo Arsenal watakutana na Olympiacos Sept 28 katika uwanja wa nyumbani wa Emirates.

Amesema katika mchezo huo wa jana wapinzani wao walionyesha uwezo mkubwa wa kulishambulia lango lao mara kwa mara lakini umakini wa safu ya ulinzi wa The Gunners ulisaidia kuokoa purukushani za Borussia Dortmund ambazo hata hivyo zilizaa matunda katika dakika ya 88 kupitia kwa kiungo mshambuliaji kutoka nchini Croatia Ivan Perišić.

Katika hatua nyingine Pat Rice amesema alikua hana amani ya kutosha alipokua katika benchi la klabu ya Arsenal na alikasirishwa na kila dakika ya mchezo huo ilivyokua ikipotea kutokana na upungufu wa kutokuwepo kwa bosi wake, lakini amewashukuru wachezaji kwa kuienzi kazi yake.

Nae mfungaji wa bao la Arsenal ambae pia ni nahodha Robin Van Parsie amesema hawana budi kuyapokea kwa mikono miwili matokeo hayo, kutokana na mazingira ya ugenini yaliyokua yamewazunguuka.

Amesema Borussia Dortmund ni klabu nzuri ambayo imekua ikisaidiwa sana na mashabiki wake wanapokua nyumbani hivyo walijitahidi kadri ya uwezo wao.

UCHUNGUZI DHIDI YA TORRES UMEFUTWA - AVB.

2011-09-14T15:38:00.001+03:00

Ushindi wa mabao mawili kwa sifuri dhidi ya Bayer Leverkusen umekua kichocheo kikubwa cha kufuta mipango ya kufanyika uchunguzi wa kina dhidi ya mshambuliaji kutoka nchini Hispania Fernando Torres ambae mwishoni mwa juma lililopita alitoa kauli ya kuwakashifu wachezaji wenzake huko Stamford Bridge.

Taarifa za kufutwa kwa muendelezo wa uchunguzi huo zimethibitishwa na meneja wa Chelsea Andre Villas-Boas mara baada ya mpambano wa usiku wa kuamkia hii leo ambapo The Blues walianza vyema kwa kupata point tatu ambazo zinawaweka kileleni mwa kundi la tano.

Andre Villas-Boas amesema hakuna haja ya kuendelea na uchunguzi dhidi ya mshambuliaji huyo mwenye umri wa miaka 27, kutokana na kile alichokifanya katika mchezo huo ambao ulihudhuriwa na mashabiki lukuki huko Stamford Bridge.

Amesema Fernando Torres anastahili sifa za kipee kutokana na mchango mkubwa alioutoa kikosini, hatua ambayo ilipelekea kuchangia vionjo vilivyosababisha upatikanani wa mabao mawili ya ushindi yaliyofungwa na kiungo kutoka nchini Hispania Juan Mata pamoja na beki kutoka nchini Brazil David Luiz.

Katika hatua nyingine meneja huyo kutoka nchini Ureno ameonyesha kuwa na shauku ya kukutana na mabingwa watetezi wa ligi kuu ya soka nchini Uingereza Man utd mwishoni mwa juma hili kufuatia chachu ya ushindi iliyopatikana dhidi ya Bayer Leverkusen.

Amesema kikosi chake kipo vizuri na haofii lolote dhidi ya Man utd ambao toka msimu huu ulipoanza wameonyesha uwezo mkubwa wa kuwabamiza wapinzani kwa idadi kubwa ya mabao.

Katika hatua nyingine kipa wa klabu hiyo ya jijini London Petr Čech ameungana na Andre Villas Boas kwa kusema matokeo ya mabao mawili kwa sifuri ni mazuri kwao na yatawajengea uwezo wa kujiamini zaidi katika michezo ijayo wakianza na mchezo dhidi ya mashetani wekundu.

Amesema hakuna wanalolihofia kwa sasa zaidi ya kuendelea kuhimizana kufanya vyema wao kama wachezaji na wanaamini kila kitu kinawezekana hadi mwishoni mwa msimu huu.

BARCA WASHIKWA NYUMBANI NA AC MILAN.

2011-09-13T23:19:00.000+03:00

FC Barcelona 2-2 AC Milan

Matokeo ya michezo mingine ya hatua ya makundi la ligi ya mabingwa iliyochezwa usiku huu ni pamoja na:

Cristal Arena, Genk
Racing Genk 0 - 0 Valencia CF

Stadio Karaiskaki, Piraeus
Olympiacos 0 - 1 Olympique Marseille

Estádio do Dragão, Porto
FC Porto 2 - 1 Shakhtar Donetsk

GSP-Stadion, Nicosia
APOEL Nicosia 2 - 1 Zenit St. Petersburg

Synot Tip Aréna, Prague
Viktoria Plzen 1 - 1 BATE Borisov

Signal Iduna Park, Dortmund
Borussia Dortmund 1 - 1 Arsenal

Rafael van der Vaart AKASIRISHWA NA SPURS.

2011-09-13T18:13:00.000+03:00

Kiungo mshambuliaji kutoka nchini Uholanzi Rafael van der Vaart amesema amekasirishwa na kitendo cha jina lake kuondolewa katika usajili wa wachezaji watakaocheza michuano ya ligi ya barani ulaya msimu huu.

Rafael van der Vaart amesema amekasirishwa na kitendo hicho kufuatia benchi la ufundi kufanya maamuzi hayo bila kumshirikisha yeye kama mchezaji hatua ambayo kwake ameichukuliwa kama amedharauliwa.

Amesema kila mmoja ndani ya klabu hiyo anatakiwa kuheshimiwa kutokana na mchango anaoutoa katika kikosi, hivyo jambo hilo litaendelea kumuuma tena sana kutokana na uhalisia wa ndoto zake za kutaka kucheza katika michuano ya barani ulaya.

Hata hivyo sababu kubwa ya benchi la ufundi la Spurs la kukata jina la kiungo huyo mwenye umri wa miaka 28, ni kutokana na majeraha ambayo yamekua yakimuandama mara kwa mara na hivi sasa hali hiyo inamsumbua toka katika mchezo wa ligi dhidi ya Man city.

Kwa mantiki hiyo sasa meneja wa Spurs Harry Redknapp amekusudia kuwatumia wachezaji chipukizi badala ya kiungo huyo kama Harry Kane, Tom Carroll na Jake Livermore katika michuano ya ligi ya barani ulaya ambapo juma hili watacheza dhidi ya klabu ya PAOK Salonika toka nchini Ugiriki.

ARSENAL KUREJEA DIMBANI HII LEO.

2011-09-13T18:10:00.000+03:00

Washika bunduku wa Ashburon Grove Arsenal baada ya kupata ushindi wao wa kwanza katika ligi ya nchini Uingereza mwishoni mwa juma lililopita usiku huu watakua wanasaka namna ya kuendeleza furaha yao kwa kucheza na mabingwa wa soka nchini Ujerumani Borusia Dortmund.

Arsenal wamefunga safari hadi nchini humo bila ya kuwa na kiungo kutoka nchini Wales Aaron Ramsey, beki kutoka nchini Ubelgiji Thomas Vermaelen kiungo kutoka jamuhuri ya Czech Tomas Rosicky pamoja na kiungo kutoka nchini Uingereza Jack Wilshere ambao wote ni majeruhi.

Arsene Wenger meneja wa klabu hiyo ya jijini London ambae hatokuwepo katika benchi usiku huu, amesema hakuna watakachokifanya katika mpambano huo dhidi ya Borusia Dortmund zaidi ya kuangalia namna ya kupata ushindi ugenini.

Amesema anaamini ushindi wa mwishoni mwa juma lililopita dhidi ya Swansea city umewatengenezea mazingira mazuri wachezaji wake ambao pia watafurahishwa na hatua ya kurejea kwa Alexender Song pamoja na winga Gervinho.

Kwa upande wa Borusia Dortmund watamkosa Julian Koch anaesumbuliwa na maumivu ya goti Lucas Barrios anaesumbuliwa na maumivu ya misuli ya paja huku Marvin Bakalorz pamoja na Patrick Owomoyela wakitarajiwa kuwa nje pia.

Michezo mingine ya ligi ya mabingwa barani ulaya itakayochezwa usiku huu ni;

Cristal Arena, UIbelgiji
Racing Genk v Valencia CF

Stadio Karaiskaki, Ugiriki
Olympiacos v Olympique Marseille

Estádio do Dragão, Ureno
FC Porto v Shakhtar Donetsk

GSP-Stadion, Nicosia, Cyprus
APOEL Nicosia v Zenit St. Petersburg

Stadion mesta Plzne, Jamuhuri Ya Czech
Viktoria Plzen v BATE Borisov

NITAPANGA KIKOSI KWA JUHUDI ZA WACHEZAJI - AVB.

2011-09-13T18:04:00.001+03:00

Meneja wa klabu ya Chelsea Andre Villas-Boas ameendelea kutetea mpango wake wa kumuweka nje mshambuliaji kutoka nchini Hispania Ferdinand Torres katika mpambano wa usiku huu wa ligi ya mabingwa barani ulaya dhidi ya Bayer-Leverkusen toka nchini Ujerumani.

Andre Villas-Boas amesema maamuzi ya kucheza ama kutokucheza kwa mshambuliaji huyo yapo mikononi mwake na hadhani kama kuna mwingine anaweza kumuingia katika maamuzi atakayoyafanya katika upangaji wa kikosi kitakachofungua michuano ya ligi ya mabingwa huko Stamford bridge.

Amesema hata kama mchezaji atachukizwa na maamuzi hayo bado anastahili kutambua kwamba kila mmoja ndani ya Chelsea anastahili kucheza kutokana na uwezo wake anaouonyesha uwanjani hivyo ni jukumu la muhusika kuonyesha bidii pale itakapohitajika.

Shughuli ya kukosekana katika kikosi cha hii leo kwa Ferdinand Torres ilianza kudhihirika toka jana ambapo ilidaiwa huenda nafasi yake ikachukuliwa na mshambuliaji kinda Daniel Sturridge ambae alifanya vizuri katika mchezo wa mwishoni mwa juma lililopita dhidi ya Sunderland.

Katika hatua nyingine Andre Villas-Boas amewazungumzia wapinzani wao usiku huu Bayer-Leverkusen kwa kusema ni wazuri kutokana na uwezo wao wanapokua uwanjani na anaamini uwezo na uzoefu wa wachezaji wa klabu hiyo utawasaidia kujiamini dhidi ya kikosi chake.

Michael Ballack kiungo aliewahi kuitumikia Chelsea, ambae kwa sasa anakitumikia kikosi cha Bayer-Leverkusen amesema wanatambua wanakwenda kupambana na The Blues yenye mtazamo tofauti kutokana na ujio wa meneja mpya tena mwenye umri mdogo ambae ameshajizolea sifa kubwa barani Ulaya akiwa na FC Porto.

Wakati huo huo uongozi wa klabu ya Chelsea unafanya uchunguzi makini kufuatia kauli iliyotolewa mwishoni mwa juma lililopita na mshambuliaji Ferdinand Torres ambayo iliwaponda wachezaji wenzake kwa kusema viongo wa The Blues ni wazito na ndio maana wanashindwa kumuwezesha kupachika mabao.

Torres anadaiwa kutoka kauli hiyo alipokua nchini kwao Hispania huku akidai Andre Villas-Boas aliliona hilo na ndio maana akaharakisha kumsajili kiungo Juan Mata kutoka Valencia Fc.

Zlatan Ibrahimovic OUT DHIDI YA BARCELONA.

2011-09-13T18:02:00.000+03:00

Mshambuliaji wa kimataifa toka nchini Sweden Zlatan Ibrahimovic hatojumuishwa kikosini usiku huu katika mchezo wa ufunguzi wa hatua ya makundi ya ligi ya mabingwa barani Ulaya ambapo AC Milan watakua ugenini wakipambana na mabingwa watetezi wa michuano hiyo FC Barcelona.

Zlatan Ibrahimovic hatokuwepo kikosini baada ya kuthibitika hatoweza kucheza mchezo wa usiku huu kufautia maumivu ya nyonga yanayomkabili toka mwishoni mwa juma lililopita.

Taarifa kutoka ndani ya klabu ya Ac Milan zimeeleza kwamba jopo la madaktari wa klabu hiyo lilikua na kazi ya ziada kuhakikisha mshambuliaji huyo anacheza mpambano dhidi ya Fc Barcelona lakini hatua hiyo imeshindikana.

Hata hivyo bado haijafahamika kama atakuwepo katika mchezo wa mwishoni mwa juma hili ambapo AC Milan wataendelea kuutetea uibingwa wao wa nchini Italia kwa kuwakaribisha SS Napoli huko San Siro.

Kuumia kwa Zlatan Ibrahimovic, kunaacha maswali mengi kwa mashabiki wa AC Milan ambao sasa wanawatazama washambuliaji wawili pekee ambao ni Alexandre Pato pamoja na Antonio Cassano ambapo hatua hii inakuaja kufuatia kuenguliwa kwa mshambuliaji mkongwe Filippo Inzaghi ambae jina lake halikusajili kwa ajili ya michuano ya barani ulaya.

Nae mshambuliaji kutoka nchini Brazil Robinson Robinho hatokuwepo katika mpambano wa hii leo kutokana na kuwa majeruhi.

Katika hatua nyingine menaja wa AC Milam Massimiliano Allegri amesema usiku huu wanakwenda kupambana na kikosi bora ambacho kinastahili sifa za ushindi lakini akaahidi kuwahiza wachezaji wake kucheza kwa kujituma na kusaka ushindi ugenini.

Amesema hakuna duniani asifahamu kuhusu Fc Barcelona, lakini anaamini ubora wa kikosi chake pia utaweza kuleta upinzani mkubwa na kusababisha mchezo mzuri wakati wote wa dakika 90.

Joey Barton KUWA CHINI YA ULINZI USIKU WA LEO.

2011-09-12T17:59:00.001+03:00

Meneja wa QPR Neil Warnock amesema hategemei kama kiungo Joey Barton atafanya upuuzi katika mchezo wa usiku huu ambao unakwenda kuwakutanisha na klabu yake ya zamani Newcastle Utd iliyofunga safari hadi huko Loftus Road.

Warnock amezungumza suala hilo baada ya kuulizwa na waandishi wa habari katika mkutano uliolenga kuzungumzia mchezo wa usiku huu ambapo amedai kwamba anaamini Barton atacheza soka la kawaida.

Amesema tayari ameshakaa na kiungo huyo mwenye umri wa miaka 29 na kumueleza madhara ambayo huenda yakampta endapo atafanya upuuzi na kupelekea hatua ya kuadhibiwa usiku huu hivyo hatarajii mambo tofauti kutoka kwake.

Hata hivyo amedai kwamba amempiga marufuku Joey Barton kutumia mtandao wa kijamiii wa Twiter mpaka mpambano wa usiku huu utakapo malizika na hii ni kutokana na kuhofia huenda angeanza kuwashambulia wachezaji pamoja na viongozi wa timu pinzani nje ya uwanja.

Mbali na kuzungumzia upande wa Barton pia Neil Warnock akazungumzia mchezo wote kwa ujumla kwa kusema utakua mgumu kwa kila upande.

Kama itakumbukwa vyema kabla ya kuuzwa katika klabu ya QPR, Joey Barton alikua na matatizo na viongozi wa Newcastkle Utd, baada ya kuusemea mbovu kupitia mtandao wa kijamii ambapo alieleza hisia zake baada ya kuchukizwa na mwenendo wa uongozi huko St James Park.

Nae meneja wa Newcastle Utd Alan Pardew amesema hakuna asiemfahamu Barton kwa tabia yake na hadhani kama ana ubaya na Newcastle Utd zaidi ya kutambua aliondoka St James Park kwa wema.

TORRES KUKAA BENCHI KATIKA GAME YA KESHO.

2011-09-12T17:55:00.001+03:00

Mshambuliaji kutoka nchini Hispania Fernando Torres huenda akaachwa katika kikosi cha Chelsea kitakachocheza kesho katika mchezo wa ufunguzi wa hatua ya makundi ya ligi ya mabingwa barani Ulaya dhidi ya Bayer-Leverkusen.

Fernando Torres yupo katika hati hati ya ya kuenguliwa katika mchezo huo kufuatia meneja wa Chelsea Andre Villas-Boas kufikiria kumchezesha mshambuliaji kutoka nchini Uingereza Daniel Sturridge ambae mwishoni mwa juma lililopita aliifungia The Blues bao la pili dhidi ya Sunderland.

Andre Villas-Boas amesema matarajio yake ni kuanza vyema ligi ya mabingwa barani Ulaya hivyo atahakikisha anapanga kikosi ambacho kitafikia malengo hayo mazuri, hatua ambayo inaonekana haiwezi kumpa nafasi Torres kutokana na mwenendo wake toka alipohamia klabuni hapo kusua sua.

Amesema kwa ujumla kikosi chake ni kizuri lakini uzuri unatengenezwa na wachezaji wenye mipango ya kuhakikisha Chelsea inasonga mbele katika michuano yote wanayoshiriki na watakayoshiriki msimu huu.

Endapo Torres ataachwa katika kikosi cha kesho, litakua pigo kubwa kwake kutokana na mwishoni mwa juma lililopita alifanyiwa hivyo katika mchezo dhidi ya Sunderland huku akitumika kama mchezaji wa akiba.

Mshambuliaji huyo mwenye umri wa miaka 27, toka alipoelekea Chelsea amefanikiwa kufunga bao moja mpaka sasa, hatua Ambayo imezua minong’ono kwa mashabiki wake pamoja na wale wa The Blues kwa kudai bado hajalipa fadhila ya kitita cha paund million 50 kilichotumuka kumsajili akitokea Liverpool mwezi januari mwaka huu.

Heurelho Gomes KUONDOKA JANUARI 2012.

2011-09-12T17:54:00.000+03:00

Kipa kutoka nchini Brazil Heurelho Gomes amepewa ruhusa na kuondoka White Hart Lane mwezi januari mwaka 2012 baada ya mambo kumuendelea kombo kufuatia ujio wa kipa mwenye uzoefu mkubwa Brad Friedel.

Heurelho Gomes amepewa ruhusa hiyo na bosi wake Harry Redknapp ambapo amesema kwa sasa kipa huyo hana raha ya kuendelea kubaki katika utawala wake hivyo jambo la busara kumpa uhuru ili aweze kutafuta timu katika dirisha dogo la usajili.

Redknapp amedai kwamba hakuwa na lengo baya kufanya usajili wa kipa katika kipindi kilichomalizika usiku wa September mosi, ila lengo lake lilikua ni kuboresha kikosi chake ambacho msimu uliopita kilipoteza point nyingi kutokana na mapungufu ya Gomez.

Meneja huyo kutoka nchini Uingereza pia ametetea maamuzi ya kumpandisha Carlo Cudicini na kuwa kipa chaguo la pili, kwa kusena kipa huyo ana ubora zaidi kuliko Gomez, hatua Ambayo imeendelea kumpa wakati mgumu mbrazil huyo.

Mwishoni mwa juma lililopita katika mchezo wa ligi dhidi ya Wolves, Gomes hakuwepo kabisa katika kikosi kilichosafiri hadi mjini Wolverhampton kufuata point tatu muhimu.

Tottenham Hotspurs walimsajili Gomes mwenye umri wa miaka 30, mwaka 2008 kwa ada ya uhamisho wa paund million 8 akitokea katika klabu ya PSV Eindhoven ya nchini Uholanzi.

MANCINI AWATAKA MASHABIKI KUTOITAJA BARCELONA.

2011-09-12T17:49:00.000+03:00

Meneja wa Man City Roberto Mancini amesema ni mapema mno kukifananisha kikosi chake na mabingwa wa soka nchini Hispania pamoja na barani ulaya kwa ujumla FC Barcelona.
Mancini ametoa kauli hiyo, kufuatia mashabiki wa Man city kutamba na kukifananisha kikosi chao kama FC Barcelona kufuatia mwenendo mzuri walioa nao toka ulipoanza msimu huu wa ligi.

Mancini amesema anatambua kwa nini mshabiki hao wanathubutu kukifananisha kikosi chake kama Barcelona, lakini si kwa wakati huu ambapo yeye binafsi anaona bado sifa hiyo haijatimia kwa asilimia 100.

Amesema ni kweli mwenendo wao ni mzuri lakini, hakuna jinsi ya kujifananisha na FC Barcelona ili hali ndio mwanzo mwa msimu ambapo kwa upande wao mambo yamewaendelea vizuri na mpaka sasa wameshajikusanyia point 12.

Hata hivyo meneja huyo kutoka nchini Italia, ametoa ushauri kwa mashabiki wa Etihad Stadium kufanya jambo la subra hadi mwezi May mwaka 2012, ambapo litapatikana jibu la nani atatwaa ubingwa wa nchini Uingereza pamoja na ule wa barani Ulaya.

Katika hatua nyingine Roberto Mancini amekiri kuona ugumu katika michezo ya ligi ya mambingwa barani Ulaya ambapo kikosi chake kitafungua michuano hiyo katika hatua ya makundi kwa kucheza nyumbani dhidi ya SS Napoli hapo kesho.

Amesema michuano hiyo inashirikisha klabu kubwa na nzuri barani humo, hivyo anategemea upinzani mkubwa lakini hata hivyo akajitetea kwa kutanabai kwamba atahakikisha kikosi chake kilichosheheni wachezaji wenye uzoefu kinapigana hadi mwisho.

ARSENAL WAPATA USHIDNI WAO WA KWANZA.

2011-09-10T21:51:00.000+03:00

Arsenal 1 - 0 Swansea City

Matokeo ya michezo mingine ni.

Bolton Wanderers 0 - 5 Manchester United

Wolverhampton Wanderers 0 - 2 Tottenham Hotspur

Manchester City 3 - 0 Wigan Athletic

Everton 2 - 2 Aston Villa

Sunderland 1 - 2 Chelsea

Stoke City 1 - 0 Liverpool

VIUNGO WOTE WA CHELSEA WAZEE - Fernando Torres.

2011-09-10T12:45:00.000+03:00

Mshambuliaji kutoka nchini Hispania Fernando Torres ametoa sababu za kushindwa kupachika mabao kama alivyokua akitarajiwa na mashabiki wa Chelsea toka alipojiunga na klabu hiyo mwezi Januri mwaka huu akitokea Liverpool.

Fernando Torres ambae mpaka sasa ameshaifungia Chelsea bao moja katika ligi pamoja na michuano ya kimataifa amesema klabu hiyo, imekua na viungo wazito ambao wanashindwa kumuwezesha kufunga kama alivyokua huko Anfield.

Amesema alipohamia klabuni hapo alitambua tatizo hilo na alijitahidi kuizoea hali hiyo siku hadi siku lakini mambo yameendelea kumuendea kombo mpaka hii leo ambapo amekiri kutambua kuwa na deni la kuwafurahisha mashabiki wa The Blues.

Hata hivyo amedia kwamba uzito wa viungo wa klabu hiyo unasababishwa na umri mkubwa walionao na ndio maana meneja mpya Andre Villas Boas ameamua kumsajili kiungo Juan Mata ambae anaamini atamuwezesha kurejesha makali yake.

Kauli hiyo ya Fernando Torres imekuja baada ya saa 24 kupita ambazo zilishuhudia Andre Villas Boas akizungumzia uaminifu wake dhidi ya mshambuliaji huyo kwa kusema mazuri yanakuja kutoka kwake.

Huenda mshambuliaji huyo mwenye umri wa miaka 27, amepata nguvu ya kutoa sababu za kushindwa kufunga, kama alivyokua anatarajiwa kutokana na kutumainiwa na meneja wa Chelsea ambae msimu uliopita aliiwezesha Fc Porto kutwaa ubingwa wa nchini Ureno pamoja na ligi ya barani Ulaya.

AC MILAN WASHIKWA NYUMBANI.

2011-09-10T12:41:00.001+03:00

Mabingwa wa soka nchini humo AC Milan usiku wa kuamkia hii leo wameanza kuteta ubingwa wao kwa matokeo ya sare dhidi ya SS Lazio katika uwanja wa San Siro.

AC Milan ambao walikua wakipewa nafasi kubwa ya kuchomoza na ushindi katika mchezo huo walilazimika kusubiri hadi katika dakika ya 33 kipindi cha kwanza pale mshambuliaji kutoka nchini Italia Antonio Cassano aliposawazisha bao la pili baada ya kuwa nyuma kwa idadi ya mabao mawili kwa moja.

SS Lazio walitangulia kuongoza kupitia kwa mshambuliaji wao mpya kutoka nchini ujerumani Miroslav Klose pamoja na mshambuliaji kutoka nchini Ufaransa Djibril Cisse huku bao la kwanza la AC Milan likifungwa na mshambuliaji kutoka nchini Sweden Zlatan Ibrahimovic.

Hata hivyo AC Milan walitengeneza nafasi nyingi za kupata mabao kupitai kwa kiungo kutoka nchini Ghana Kevin-Prince Boateng ambae alisaidiana vizuri na kiungo aliesajiliwa kwa mkopo klabuni hapo akitokea Liverpool Alberto Aquilani lakini umakini mbovu ulipelekea matokeo kusalia mabao mawili kwa mawili.

CAF WAWACHINJIA BAHARINI Fenerbahce.

2011-09-10T12:39:00.000+03:00

Mahakama ya kimichezo iliyo chini ya shirikisho la soka ulimwenguni kote FIFA CAS, imetupilia mbali kesi ya mabingwa wa soka nchini Uturuki Fenerbahce ambayo ililenga kulishitaki shirikisho la soka barani ulaya UEFA, baada ya kuiengua klabu hiyo katika michuano ya ligi ya mabingwa msimu huu.

CAS wametupilia mbali madai ya klabu hiyo kutokana na kushindwa kupata uhakika halisi wa malalamiko ya klabu ya Fenerbahce kutoka kwenye shiriksiho la soka nchini Uturuki ambalo tayari lilikua limeshatangaza kutowapa ushirikiano viongozi wa klabu hiyo.

Taarifa iliyotolewa na mahakama hiyo imedai kwamba malalamiko ya Fenerbahce yangesikilizwa na maamuzi kutolewa endapo shirikisho la soka nchini Uturuki lingewasilisha uthibitisho wa madai ya kuonewa na shirikisho la soka barani UEFA baada ya kuenguliwa kwa wawakilishi wao katika michuano ya ligi ya mabingwa barani Ulaya msimu huu.

Kwa mantiki hiyo sasa washindi wa pili wa ligi kuu ya soka nchini Uturuki Trabzonspor, wanaendelea kuwashiwa taa ya kijani ambayo inawawezesha kucheza ligi ya mabingwa barani Ulaya ambapo watafungua michuano hiyo katika hatua ya makundi dhidi ya Inter Milan siku ya jumatano ya juma lijalo.

Shirikisho la soka barani ulaya UEFA lililazimika kuiengua Fenerbahce katika michuano ya ligi ya mabingw barani Ulaya kufutia tyhuma za kujipatia ubingwa katika mazingira ya rushwa, hatua mbayo ilisababishwa zaidi ya wachezaji 30 pamoja na raisi wa klabu hiyo Aziz Yildirim, kuwekwa kizuizini na jeshi la polisi nchini Uturuki.

David Moyes APASUA UKWELI WA KUMUUZA ARTETA.

2011-09-10T12:34:00.000+03:00

Meneja wa Everton David Moyes amesema alilazimika kumuuza Mikel Arteta katika kipindi cha usajili kilichofikia kikomo usiku wa kuamkia Septemba mosi baada ya kulazimishwa kufanya hivyo na mabosi wake.

Moyes amesema ulazima huo ulikuja kutokana na ukata wa fedha uliokua unaukabili uongozi wa The Toffees ambao ulitamani kuwasajili wachezaji lakini ulishindwa kufanya hivyo kutokana na sababu za kutokua na pesa za kutosha.

Amesema mara kadhaa alikua na mazungumzo na mwenyekiti wa Everton Bill Kenwright kwa ajili ya kutaka kufahamu nini mipango ya klabu hiyo katika suala la usajili lakini jibu alilokua anaambulia ni ulazima wa kuuza wachezaji ili wafanikishe suala hilo.

Hata hivyo meneja huyo kutoka nchini Scotland ameongeza kwamba Mikael Arteta pia alikua ameshaonyesha nia ya kutaka kuondoka klabuni hapo kwa kutaka kucheza michuano ya ligi ya mabingwa barani ulaya hivyo ilikua rahisi kwake kumuuza huko Emirates.

Katika hatua nyingine mashabiki wa Everton wameripotiwa kuwa na mikwaruzano na bodi ya viongozi wa klabu hiyo kutokana na kushindwa kufanya usajili wa uhakika ambao ungekisaidia kikosi chao kufanya vizuri msimu huu.

Mshabiki hao hii leo walipanga kuushurutisha uongozi kutoa sababu muhimu za kushindwa kufanya usajili kabla ya mchezo wa ligi dhidi ya Aston Villa ambao walizuklu huko Goodson Park.

BADO NINA UAMINIFU KWA TORRES.

2011-09-09T12:33:00.000+03:00

Mshambuliaji Fernando Torres bado anaendelea kupewa nafasi ya kutimiza azma ya kupachika mabao zaidi kama alivyokua na klabu ya Liverpool ambayo ilimsajili akitokea Atletico Madrid ya nchini kwao Hispania.

Mshambuliaji huyo mwenye umri wa miaka 27, ameendelea kupewa nafasi hiyo na meneja wa Chelsea Andre Villas-Boas ambapoa mesema bado anaamini Fernando Torres ana kila sababu za kufanya makubwa kama ilivyokua siku za nyuma.

Amesema mbali na watu wengi kumponda kutokana na kupachika bao moja mpaka sasa toka alipojiunga na Chelsea akitokea Liverpool mwanzoni mwa mwaka huu kwa ada ya uhamisho wa paund million 50, yeye binafsi anasadiki kusema Torres ni mshambuliaji mzuri miongoni mwa washambuliji mahiri duniani kote.

Kama itakumbukwa vyema Fernando Torres alifanikiwa kufunga bao hilo pekee katika mchezo wa ligi kuu ya soka nchini Uingereza dhidi ya West Ham Utd ambapo katika mchezo huo wagonga nyundo wa London walioporomoka daraja walikubali kisago cha matatu kwa sifuri.

Carlos Tevez KUREJESHWA KIKOSINI.

2011-09-09T12:31:00.000+03:00

Mshambuliaji kutoka nchini Argentina Carlos Tevez kesho anatarajia kuanzishwa katika kikosi cha kwanza cha Man city, baada ya purukushani za kutaka kuihama klabu hiyo kwa kisingizio cha kuhitaji kuwa karibu na familia yake.

Carlos Tevez anapewa nafasi kubwa ya kujumuishwa katika kikoso cha kwanza hiyo kesho baada ya meneja wa Man City Roberto Mancini kukiri kwamba, mshambuliaji huyo yupo fit kufuatia kumpa nafasi ya kwenda kupumzika nyumbani kwao Argentina wakati wa michezo ya kimataifa.

Mancini amesema baada ya kurejea klabuni hapo Carlos Tevez alianza mazoezi sanjari na wachezaji wengine na ameonyesha moyo wa kujituma kama ilivyokua zamani hatua ambayo anaamini imemjengea mazinigira mazuri ya kucheza katika kikosi cha kwanza.

Katika hatua nyingine Mancini amesema kiungo kutoka nchini Ufaransa Samir Nasri huenda akaitumikia Man City hiyo kesho licha ya kuvunjika kidole cha mkono wake wa kulia akiwa na timu ya taifa katika mchezo ya kuwani nafasi ya kucheza fainali za mataifa ya Ulaya dhidi ya Romania siku ya jumatano.

Amesema kiungo huyo yupo vizuri na ameonyesha nia ya kutaka kucheza katika mchezo wa kesho dhidi ya Wigan Athletics na alipozungumza nae amemueleza kwamba yeye sio kipa hivyo litakua jambo la msingi akimshirikisha katika kikosi chake.

Wakati huo huo mtendaji mkuu wa Man city Garry Cook ametangaza kujiuzulu nafasi hiyo baada ya kashfa ya kukebeki mama mzazi wa beki wa klabu hiyo Nedum Onuoha kwa njia tya barua pepe.