NASRI NJE WIIKI TATU.

Meneja wa klabu ya Arsenal Arsène Charles Ernest Wenger amesema kiungo mshambuliaji wa kikosi chake Samir Nasri huenda akawa nje ya uwanja kwa kipindi cha majuma matatu yajayo baada ya kuumia akiwa kwenye mchezo wa kombe la FA uliochezwa jana huko jijini London dhidi ya Huddersfield Town.

Wenger amesema kiungo huyo itamlazimu kuwa nje kwa muda huo baada ya vipimo kuonyesha kwamba amepata maumivu makali ya nyama za paja hivyo imeshauriwa apumzike ili aweze kurejea katika hali yake ya kawaida kiswa sawa.

Kwa muda huo wa majuma matatu uliotajwa na mzee huyo wa kifaransa, Nasri huenda akaukosa mchezo wa kwanza wa hatua ya mtoano wa ligi ya mabingwa barani Ulaya dhidi ya Fc Barcelona ambao watazulu huko Emitarates Februari 16 mwaka huu.