Luis Suarez AIOTA UINGEREZA.

Mshambuliaji wa kimataifa toka nchini Uruguay Luis Suarez ameendelea kuonyesha dalili zote za kutaka kuondoka huko Amsterdam Arena yalipo makao makuu ya klabu yake ya sasa ya Ajax Amsterdam.

Luis Suarez ameendelea kuonyesha dalili hizo baada ya kukiri kuipenda ligi kuu ya soka nchini Uingereza na kubainisha wazi kwamba angependa siku moja acheze katika moja ya vilabu vikubwa vya ligi hiyo.

Amesema kila leo amekua akiota kucheza katika ligi hiyo na anaamini ipo siku anayoyaota yatatimilia kwa asilimia mia moja.

Amesema haoni kinachomshinda kucheza katika ligi hiyo, huku akijifananisha na mshambuliaji wa kimataifa toka nchini Argentina na klabu ya Man City Carlos Tevez ambapo amemuelezea kwamba imemchukua muda mfupi kuyazoea mazingira ya nchini humo huku wengi walidhani asingeweza kufanya hivyo kufuatia kuyazoea mazingira ya Amerika ya kusini ambapo alivitumikia vilabu vya Boca Junior pamoja na Corinthians.

Luis Suarez mwenye umri wa miaka 23 tayari anahusishwa na taarifa za kuwa mbioni kujiunga na klabu ya Liverpool ambayo ipo tayari kutoa kiasi cha paund million 18 kama ada ya uhamisho wake katika kipindi hiki cha dirisha dogo la usajili.