Ricardo Fuller KUWA MBADALA WA BENT.

Uongozi wa klabu ya Stoke City umekubali ofa ya klabu ya Sunderland yenye lengo la kumsajili mshambuliaji wa kimataifa toka nchini Jamaica Ricardo Fuller.

Mshambuliaji huyo anatakiwa huko Stadium Of Light kwa ada ya uhamisho wa paund million 3, kama sehemu ya kuziba mwanya ulioachwa na mshambuliaji wa kimtaifa toka nchini Uingereza Daren Bent aliejiunga na klabu ya Aston Villa siku mbili zilizopita.

Ricardo Fuller ameonekana kuwa chaguo la kwanza la meneja wa klabu ya Sunderland Steve Bruce ambae anaamini mshambuliaji huyo ana uwezo mkubwa wa kufanya vizuri kufuatia wasifu wake wa kupachika mabao 48 katika michezo 177 aliyocheza akiwa na klabu ya Stoke ambayo ilimsajili mwaka 2006 akitokea Southampton.

Sifa nyingine iliyotumiwa kama sehemu ya kumvuta Fuller huko Stadium of Light ni kuwa mfungaji bora wa Stoke City ndani ya miaka mitatu mfululizo hatua ambayo bado inaaminiwa kuwa suluhisho la kuondoka kwa Darren Bent.